The Cambodia Daily
ក្រសួងការពារជាតិកម្ពុជា អះអាងថា កងកម្លាំងយោធាថៃ បានធ្វើសកម្មភាពចល័តរថពាសដែកចំនួន ២គ្រឿង និងកម្លាំងប្រមាណ ៧០នាក់ ចូលក្នុងភូមិសាស្ត្រច្រកព្រំដែនអន្តរជាតិអូរស្មាច់ ខេត្តឧត្ដរមានជ័យ និងបានរាយលួសបន្លាបន្ថែមលើលួសបន្លាចាស់ដែលភាគីថៃ បានហ៊ុមព័ទ្ធកាន់កាប់យកដោយខុសច្បាប់។ អ្នកនាំពាក្យក្រសួងការពារជាតិ អ្នកស្រី ម៉ាលី សុជាតា បានចេញសេចក្តីប្រកាសព័ត៌មាននៅថ្ងៃទី៣ មេសា ថា កាលពីថ្ងៃទី២ ខែមេសា វេលាម៉ោង ៦:២០នាទីព្រឹក កងកម្លាំងយោធាថៃ បានធ្វើសកម្មភាពយោធាចូលមកទីតាំងក្នុងភូមិសាស្ត្រច្រកព្រំដែនអន្តរជាតិអូរស្មាច់ ខេត្តឧត្ដរមានជ័យ ដោយគ្មានការជូនដំណឹងជាមុនដល់ក្រុមទំនាក់ទំនងរបស់យោធភូមិភាគទី៤ របស់កម្ពុជា ឡើយ។ អ្នកនាំពាក្យរូបនេះអះអាងថា ភ្លាមៗបន្ទាប់ពីយោធាថៃ ធ្វើសកម្មភាព ក្រុមទំនាក់ទំនងរបស់យោធភូមិភាគទី៤ កម្ពុជា បានធ្វើការទាក់ទងទៅកាន់កងទ័ពភូមិភាគទី២ ថៃ ឱ្យធ្វើការបញ្ឈប់សកម្មភាពជាបន្ទាន់ និងអំពាវនាវឱ្យយោធាថៃ ត្រឡប់មកគោរពនូវរាល់កិច្ចព្រមព្រៀងដែលបានឯកភាពគ្នាកន្លងមក។ អ្នកស្រី ម៉ាលី សុជាតា បញ្ជាក់ថា ក្រុមអ្នកសង្កេតការណ៍អាស៊ាន (AOT) ទើបតែចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅតំបន់ច្រកអូរស្មាច់ ក្រុងសំរោង ខេត្តឧត្ដរមានជ័យ កាលពីថ្ងៃទី២៩ ខែមីនា កន្លងទៅថ្មីៗនេះប៉ុណ្ណោះ ប៉ុន្តែភាគីថៃ បែរជាអះអាងថាមានសកម្មភាពញុះញង់ពីភាគីកម្ពុជាទៅវិញ ដែលនេះគឺជាការលើកឡើងមិនមែនជាការពិត […] The post ថៃចល័តរថពាសដែកនិងកងកម្លាំងយោធាជិត ១០០នាក់ចូលទីតាំងភូមិសាស្ត្រអូរស្មាច់ រាយលួសបន្លាបន្ថែម appeared first on The Cambodia Daily Khmer .
Go to News Site