Ylli i "Harry Potter" në pritje të fëmijës së dytë

Aktorja britanike, Bonnie Wright, e njohur për rolin e Ginny Weasley në serinë "Harry Potter", ka zbuluar se është në pritje të fëmijës së saj të dytë. Lajmin e bukur ajo e ndau me ndjekësit në Instagram, përmes disa fotografive ku shfaqet me barkun e rrumbullakosur, pranë djalit të saj të vogël, Elio. Në përshkrimin e postimit, ajo shkroi se 'dy bebe janë në prehrin e saj' dhe se familja po pret me padurim ardhjen e anëtarit të ri. View this post on Instagram A post shared by BONNIE WRIGHT (@thisisbwright) Në njërën nga fotografitë, Wright dhe djali i saj shikojnë drejt kamerës, ndërsa në tjetrën ajo e përqafon dhe i përkëdhel flokët, ndërkohë që vogëlushi duket i interesuar për barkun e saj. Bonnie Wright dhe bashkëshorti i saj, Andrew Lococo, janë njohur në vitin 2020 dhe u martuan në mars të vitit 2022. Ata u bënë prindër për herë të parë në shtator 2023, kur erdhi në jetë djali i tyre Elio. Përveç karrierës si aktore, Wright është edhe themeluese e komunitetit familjar 'Earthling' dhe shpesh ndan momente nga jeta e saj si nënë, përfshirë aventura në natyrë me djalin. View this post on Instagram A post shared by BONNIE WRIGHT (@thisisbwright) Ajo ka treguar se po shijon shumë rritjen e tij, duke e përshkruar si një fëmijë energjik, të dashur dhe plot jetë. /Telegrafi/

Go to News Site