Kurir
Премиерот на Израел Бенџамин Нетанјаху во денешното видеообраќање изјави дека израелската армија нападнала железнички линии и мостови во Иран, бидејќи патна инфраструктура се користи за воени цели од страна на Корпусот на Исламската револуционерна гарда (ИРГЦ). - Вчера, нашите пилоти уништија транспортни авиони и десетици хеликоптери во иранска воздухопловна база. Денеска тие нападнаа железници и мостови што ги користи Корпусот на Исламската револуционерна гарда, наведе Нетанјаху. Според Нетанјаху железниците биле користени од страна на ИРГЦ за испорака на материјали за производство на оружје, како и за транспорт на оружје и воен персонал. Претходно, иранските медиуми објавија за широко распространети напади врз транспортната мрежа на Исламската Република во пресрет на ултиматумот на американскиот претседател Доналд Трамп против Техеран, што истекува вечерва.
Go to News Site