මහින්ද රාජපක්ෂගේ අවසන් පැය 48ට!

හිටපු ජනාධිපති මහින්ද රාජපක්ෂගේ වත්කම්, වියදම් සහ ආදායම් මාර්ග සම්බන්ධයෙන් වහාම දිවුරුම් ප්‍රකාශයක් ලබාදෙන ලෙස අල්ලස් හෝ දූෂණ චෝදනා විමර්ශන කොමිෂන් සභාව දැනුම්දී ඇත. මහින්ද රාජපක්ෂගේ වත්කම් සම්බන්ධ BC/2992/2015 දරන මෙම විමර්ශනය 2015 වසරේදී ආරම්භ කර ඇති අතර එතැන් සිට වසර 10ක් ගතවී ඇතත්, අදාළ තොරතුරු ඇතුළත් දිවුරුම් ප්‍රකාශය ඉදිරිපත් කිරීමට මෙතෙක් පියවර ගෙන නොමැති බවද අල්ලස් කොමිසම සඳහන් කරයි. ඒ අනුව, 2023 අංක 09 දරන දූෂණ විරෝධී පනතේ 49 (1) (උ) වගන්තිය යටතේ කොමිසමට පැවරී ඇති බලතල ප්‍රකාරව අප්‍රේල් මස (10) වන දිනට හෝ ඊට ප්‍රථම එම ප්‍රකාශය ඉදිරිපත් කළ යුතු බවට අවසන් වරට ලිඛිතව දැනුම් දී ඇත. වත්කම් උපයාගත් ආකාරය පිළිබඳ පැහැදිලි කිරීමක් කිරීමට අපොහොසත් වීම නව දූෂණ විරෝධී පනතේ 42 සහ 93 වගන්ති ප්‍රකාරව ‘දූෂණය’ නමැති වරද යටතට ගැනෙන අතර එවැනි වරදකට වරදකරු වන තැනැත්තෙකුට රුපියල් මිලියන හතකට නොවැඩි දඩයක්, වසර 7ක් දක්වා සිර දඬුවම් නියම කළ හැකි බව අල්ලස් කොමිසම සඳහන් කරයි. සිදුකරන විම­ර්ශන දිගු කාල­යක් ප්‍රමාද වී ඇති එබැ­වින් අප්‍රේල් (10) වැනි දිනෙන් පසු අවශ්‍ය තොර­තුරු ලබාදීමට මහින්ද රාජපක්ෂට තවත් කාල­යක් ලබා නොදෙන බවද අල්ලස් කොමිසම දැනුම්දී ඇත. මේ පුවත තව අයට බලන්න Facebook එකට Share කරන්න WhatsApp එකට Share කරන්න

Go to News Site