سوریہ ونشی نے بمرا کا سخت امتحان بہترین نمبروں سے پاس کر لیا

انڈیا کے ابھرتے ہوئے کرکٹ سٹار ویبھو سوریہ ونشی کی تیزی سے بڑھتی ہوئی شہرت کا سب سے کڑا امتحان منگل کو انڈین پریمیئر لیگ (آئی پی ایل) میں ممبئی انڈینز کے خلاف میچ کے دوران ہوا جب انہیں بہترین بولر جسپریت بمرا کا سامنا کرنا پڑا۔ تاہم راجستھان رائلز کے 15 سالہ اوپنر نے شاندار انداز میں یہ چیلنج پاس کیا اور اپنی بے خوف بیٹنگ سے بہترین آل فارمیٹ بولر سمجھے جانے والے بمرا کو بھی دباؤ میں ڈال دیا۔ سوریہ ونشی نے گذشتہ سال اپنے ڈیبیو سیزن میں 35 گیندوں پر سینچری بنا کر اپنی آمد کا دھماکہ خیز اعلان کیا تھا۔ وہ رواں سال انڈر 19 ورلڈ کپ میں انڈیا کی جیت پر پلیئر آف دی سیریز بھی قرار پائے تھے۔ اس سال آئی پی ایل میں ان کا سٹرائیک ریٹ 248.97 ہے، جو صرف رائل چیلنجرز بنگلورو کے بیٹر راجت پٹیدار کے 254.83 سے کم ہے۔ ان کے 11 چھکے اب تک صرف دہلی کیپیٹلز کے بیٹر سمیر رضوی نے برابر کیے ہیں۔ منگل کو گوہاٹی میں بارش کی وجہ سے میچ کو 11 اوور فی اننگز تک محدود کر دیا گیا اور اس مقابلے میں 32 سالہ بمرا کے ساتھ سوریہ ونشی کا ٹکراؤ میچ کا سب سے دلچسپ لمحہ تھا۔ نان سٹرائیکر اینڈ سے سوریہ ونشی دیکھ رہے تھے کہ ان کے اوپننگ پارٹنر یشاسوی جیسوال نے دیپک چہر کے پہلے اوور میں 22 رنز بٹور کر آغاز ہی میں دباؤ بڑھا دیا۔ جب بمرا نے دوسرا اوور کرانے کے لیے گیند تھامی تو جوش اور بھی بڑھ گیا۔ سوریہ ونشی نے اوور کی پہلی ہی گیند پر وائڈ لانگ آن کے اوپر سے بلند و بالا چھکا لگا دیا، جس پر بمرا مسکراتے ہوئے اپنی لائن پر واپس گئے۔ تین گیندیں بعد نوجوان بیٹر نے ایک اور چھکا لگایا۔ اگلے اوور میں انہوں نے ٹرینٹ بولٹ کو آڑھے ہاتھوں لیا اور انہیں پہلی چار گیندوں میں تین چھکے مارے۔ پھر شردل ٹھاکر کی باری آئی جن کے اوور میں بھی انہوں نے دو بڑے شاٹس لگائے۔ تاہم جلد ہی وہ کیچ دے کر آؤٹ ہو گئے اور یوں ان کی اننگز 14 گیندوں پر 39 رنز پر ختم ہوئی۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) انہوں نے جیسوال کے ناقابل شکست 77 رنز کے ساتھ راجستھان کو 150-3 تک پہنچایا اور اس میچ میں جیت کو یقینی بنایا۔ راجھستان نے مسلسل تیسری کامیابی کے ساتھ پوائنٹس ٹیبل پر اپنی برتری مضبوط کر لی ہے۔ میچ کے بعد پلیئر آف دی میچ جیسوال نے صحافیوں سے گفتگو میں کہا ’ویبھو کے ساتھ کھیلنا حیرت انگیز ہوتا ہے۔‘ ’انہوں نے پہلی گیند پر چھکا مارا تو میں نے کہا اپنی شاٹس کھیلتے رہو۔ بمرا ایک لیجنڈ ہیں اور اگر وہ اُن کے خلاف ایسے رنز بنا رہا ہے تو یہ کمال ہے۔ ’اس کے بعد ہمیں لگا کہ اب ہم باقی بولرز کو بھی آسانی سے نشانہ بنا سکتے ہیں۔ ’انہوں نے مجھ پر سے دباؤ کم کیا اور میں اپنے منصوبوں کے مطابق دوسرے بولرز کو ٹارگٹ کر سکا۔‘ جسپریت بمرا راجستھان رائلز کے15 سالہ اوپنر نے اپنی بے خوف بیٹنگ سے بہترین آل فارمیٹ بولر سمجھے جانے والے بمرا کو بھی دباؤ میں ڈال دیا۔ روئٹرز بدھ, اپریل 8, 2026 - 10:45 Main image:

راجستھان رائلز کے ویبھو سوریہ ونشی سات اپریل، 2026 کو گوہاٹی میں ممبئی انڈینز کے خلاف شاٹ کھیل رہے ہیں (اے ایف پی)

کرکٹ type: news related nodes: ’جنی‘ بمراہ: انڈیا کا یارکر بادشاہ جس کے کندھوں پر اربوں امیدیں ویبھو سوریہ ونشی کا ایک اور ’چمت کار‘، 17 گیندوں میں 52 رنز راجستھان رائلز کی سوریہ ونشی کو میڈیا سے دور رکھنے کی خواہش پی ایس ایل 11 کے لاہور مرحلے کے آٹھ دلچسپ پہلو SEO Title: سوریہ ونشی نے بمرا کا سخت امتحان بہترین نمبروں سے پاس کر لیا copyright: show related homepage: Hide from Homepage

Go to News Site