PSG synon një bonus të madh me kualifikimin në gjysmëfinale të Ligës së Kampionëve

Paris Saint-Germain pritet të marrë një bonus të madh në rast se arrin të eliminojë Liverpoolin nga çerekfinalja e Ligës së Kampionëve dhe të kualifikohet në gjysmëfinale të garës. Sipas raportimeve nga mediumi Le Parisie n, Paris Saint-Germain pritet të fitojë 15 milionë euro shtesë nëse siguron një vend në gjysmëfinalet e Ligës së Kampionëve. Klubi francez, i cili arriti në çerekfinale pas një fitoreje dominuese me rezultatin e përgjithshëm 8-2 ndaj Chelseat, ka grumbulluar tashmë gati 60 milionë euro në çmime këtë sezon. “Nuk ka favoritë”, Enrique flet për ndeshjen çerekfinale midis PSG-së dhe Liverpoolit Ky total përfshin një bonus pjesëmarrjeje prej 18.5 milionë eurosh, 9.5 milionë euro për rezultatet e fazës së grupeve dhe 8.15 milionë euro për vendin e 11-të në grup. Përveç kësaj, ata fituan 11 milionë euro për arritjen në fazën e 1/8-tave dhe 12.5 milionë euro për kualifikimin në çerekfinale. PSG aktualisht po përballet me Liverpoolin në një ndeshje me sistem vajtje-ardhje për një vend në katërshen e fundit të garës elitare të klubeve evropiane. Ndeshja e parë luhet sonte (e mërkurë) nga ora 21:00 në 'Parc des Princes'. /Telegrafi/

Go to News Site