Nokorwat News
អន្តរជាតិ ៖ ថ្ងៃទី ៨ ខែមេសា លោក Zhao Leji ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិន បានជួបសន្ទនាជាមួយលោក José Pedro Aguiar-Branco ប្រធានរដ្ឋសភានៃប្រទេសព័រទុយហ្កាល់ នៅវិមានសភាប្រជាជនក្រុងប៉េកាំង ។ ថ្លែងក្នុងកិច្ចជំនួប លោក Zhao Leji បានលើកឡើងថា ចិននិងព័រទុយហ្កាល់ជាប្រទេសមានចំណងមេត្រីភាពជាប្រពៃណី ហើយក៏ជាដៃគូយុទ្ធសាស្ត្រគ្រប់ជ្រុងជ្រោយដែលគោរពគ្នា មានទំនុកចិត្តចំពោះគ្នា និងមានកិច្ចសហប្រតិបតិ្តការឈ្នះ-ឈ្នះ ។ ប្រទេសចិនរីករាយរួមសហការជាមួយព័រទុយហ្កាល់ ចាត់ទុកគំនិតឯកភាពរួមរបស់អ្នកដឹកនាំនៃប្រទេសទាំងពីរជាគោលការណ៍ណែនាំ ដើម្បីបន្តវេនចំណងមិត្តភាពប្រពៃណី ពង្រឹងការកសាងទំនុកចិត្តចំពោះគ្នា និងធ្វើឱ្យកិច្ចសហប្រតិបតិ្តការដែលផ្តល់ផលប្រយោជន៍ដល់គ្នាទៅវិញទៅមកមានភាពកាន់តែស៊ីជម្រៅ ដើម្បីជំរុញឱ្យទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយរវាងចិននិងព័រទុយហ្កាល់ដើរទៅមុខកាន់តែឆ្ងាយកាន់តែរឹងមាំ ។ ជាការឆ្លើយតប លោក José Pedro Aguiar-Branco បានថ្លែងថា ប្រឈមនឹងភាពមិនប្រាកដប្រជានៃស្ថានការណ៍អន្តរជាតិ ព័រទុយហ្កាល់រំពឹងទុកថា អាចបង្កើនភាពជាយុទ្ធសាស្ត្រនៃទំនាក់ទំនងរវាងព័រទុយហ្កាល់និងចិន ក៏ដូចជារួមគ្នាប្រកាន់ខ្ជាប់ពហុភាគីនិយម បង្កើនកិច្ចសហប្រតិបតិ្តការលើវិស័យសេដ្ឋកិច្ច ពាណិជ្ជកម្មនិងការផ្លាស់ប្តូររវាងប្រជាជននិងប្រជាជនជាដើម ដើម្បីជំរុញឱ្យទំនាក់ទំនងរវាងអឺរ៉ុបនិងចិនទទួលបានការវិវឌ្ឍរីកចម្រើនប្រកបដោយភាពរឹងមាំ ៕ ...
Go to News Site