The Cambodia Daily
សហរដ្ឋអាមេរិក និងសាធារណរដ្ឋអ៊ីស្លាមិកអ៊ីរ៉ង់ កាលពីថ្ងៃអង្គារ ទី៧ ខែមេសា បានយល់ព្រមទទួលយកបទឈប់បាញ់រយៈពេល ២សប្ដាហ៍ នៅមុន ៩០នាទីនៃឱសានវាទថានឹងកម្ទេចប្រទេសអ៊ីរ៉ង់ ថ្លែងដោយលោកប្រធានាធិបតី ដូណាល់ ត្រាំ បានផុតកំណត់។ ភ្លាមៗនោះ របបនៅទីក្រុងតេហេរ៉ង់ បានអះអាងពីជ័យជម្នះដោយនិយាយថា ខ្លួនបានបង្ខំឱ្យសហរដ្ឋអាមេរិកទទួលយកលក្ខខណ្ឌ ១០ចំណុចរបស់ខ្លួន។ នេះបើតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃទី៨ មេសា។ លោក ត្រាំ បាននិយាយថា លោកបានពិភាក្សាជាមួយមេដឹកនាំប៉ាគីស្ថាន ដែលជាអ្នកជួយសម្របសម្រួលរវាងទីក្រុងវ៉ាស៊ីនតោន និងទីក្រុងតេហេរ៉ង់ និងដែលបានស្នើឡើងនូវបទឈប់បាញ់រយៈពេល ២សប្ដាហ៍។ លោក ត្រាំ បានបញ្ជាក់តាមបណ្ដាញទំនាក់ទំនងសង្គម X ថា លោកបានសម្រេចចិត្តផ្អាកការទម្លាក់គ្រាប់បែកលើប្រទេសអ៊ីរ៉ង់ ដោយឈរលើមូលដ្ឋានកិច្ចសន្ទនាជាមួយនាយករដ្ឋមន្ត្រីប៉ាគីស្ថាន Shehbaz Sharif និងសេនាប្រមុខកងទ័ពជាតិប៉ាគីស្ថាន ឧត្ដមសេនីយ៍ Asim Munir។ ជាមួយគ្នានេះ ក្រុមប្រឹក្សាសន្តិសុខកំពូលអ៊ីរ៉ង់ ក៏បានទទួលស្គាល់ពីការឈានដល់បទឈប់បាញ់គ្នា ដែលថាក្រុមប្រឹក្សាមានការយល់ព្រមពីមេដឹកនាំកំពូលអ៊ីរ៉ង់ លោក Mojtaba Khamenei ហើយបានបញ្ជាក់ថាកិច្ចចរចារវាងសហរដ្ឋអាមេរិក និងប្រទេសអ៊ីរ៉ង់ នឹងចាប់ផ្ដើមនៅថ្ងៃសុក្រសប្ដាហ៍នេះក្នុងទីក្រុងអ៊ីស្លាម៉ាបាដ។ ជាមួយគ្នានេះ របបសាធារណរដ្ឋឥស្លាមអ៊ីរ៉ង់ […] The post សហរដ្ឋអាមេរិក និងអ៊ីរ៉ង់ យល់ព្រមលើបទឈប់បាញ់ ១៤ថ្ងៃមុនឱសានវាទ ៩០នាទីដាក់ដោយលោក ត្រាំ appeared first on The Cambodia Daily Khmer .
Go to News Site