Փաշինյան. Պուտինի հետ մեր հաջորդ հանդիպումը կլինի հունիսի երկրորդ կեսին

Երեւան: Մեդիամաքս: Հայաստանի վարչապետ Նիկոլ Փաշինյանն այսօր ասել է, որ Ռուսաստանի նախագահ Վլադիմիր Պուտինի հետ իր հաջորդ հանդիպումը կկայանա հունիսի երկրորդ կեսին: «ՌԴ նախագահի հետ բարձր մակարդակով նոր հանդիպումների մասին ենք պայմանավորվել: Այս փուլում երկխոսության հնարավորությունները լայն են ու բաց, մենք շարունակելու ենք աշխատանքները: Ներկայում Հայաստան-Ռուսաստան  հարաբերությունները գտնվում են կառուցողական տրանսֆորմացիայի փուլում, այդ պրոցեսը գնահատում եմ դրական, մենք բարեկամական երկխոսության տրամաբանությունից դուրս չենք գալու»,- լրագրողների հետ զրույցում ասել է Նիկոլ Փաշինյանը։ Մեկնաբանելով հրապարակումները TRIPP-ի նախագծի եւ, մասնավորապես, երկաթուղու հարցում Ղազախստանի հետաքրքրության մասին, Նիկոլ Փաշինյանն ասել է. «Ռուսաստանի թիկունքում եւ ի հեճուկս ՌԴ-ի որեւէ բան չենք պատրաստվում անել: «Ղազախստանն օգոստոսից ի վեր չի թաքցրել իր հետաքրքրությունը TRIPP-ի վերաբերյալ։ Ղազախստանը միջազգային տրանսպորտային ոլորտի խոշոր դերակատարներից է, եւ մեր գործընկերները փորձում են հասկանալ, թե տրանսպորտային ինչ հնարավորություններ կարող են բացվել իրենց համար: Ղազախստանը միակ երկիրը չէ, որ հետաքրքրված է, բազմաթիվ երկրներ են հետաքրքրված»: Նշենք, որ այցով Հայաստանում են գտնվում Ղազախստանի արտաքին գործերի եւ տրանսպորտի նախարարները:

Go to News Site