برازیل کی لورا کارڈوسو کی ایک اننگز میں نو وکٹیں، ٹی ٹوئنٹی میں تاریخ رقم کر دی

برازیل کی کھلاڑی لورا کارڈوسو جمعرات کو مردوں یا خواتین کی ٹی ٹوئنٹی انٹرنیشنل کرکٹ میں ایک ہی اننگز میں نو وکٹیں لینے والی پہلی کھلاڑی بن گئیں۔ لورا کارڈوسو نے افریقی ملک لیسوتھو کے خلاف شاندار سپیل کیا اور اپنے تین اوورز میں 4 رنز دے کر 9 وکٹیں حاصل کیں، جو ٹی ٹوئنٹی انٹرنیشنل کرکٹ کی تاریخ کی بہترین بولنگ کارکردگی ہے۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) اس سے قبل یہ ریکارڈ بھوٹان کے سونم یشے کے پاس تھا، جنہوں نے 2025 میں مردوں کے ٹی ٹوئنٹی انٹرنیشنل  میچ میں میانمار کے خلاف صرف 7 رنز دے کر 8 وکٹیں حاصل کی تھیں۔ خواتین کی ٹی ٹوئنٹی انٹرنیشنل میں لورا کارڈوسو نے انڈونیشیا کی روہمالیا روہمالیا کا ریکارڈ توڑ دیا، جنہوں نے 2024 میں منگولیا کے خلاف 0 رنز دے کر 7 وکٹیں لی تھیں۔ لیسوتھو کے خلاف اس میچ میں برازیل نے مجموعی طور پر 202 رنز بنائے، جس میں روبرٹا ایوری کی (35 گیندوں پر 48 رنز) اور مونیکے ماچاڈو (41 گیندوں پر ناقابلِ شکست 69 رنز) کی شاندار بیٹنگ شامل تھی۔ کارڈوسو کی شاندار بولنگ کا آغاز دوسرے اوور میں ہوا جب فاسٹ بولر نے ہیٹ ٹرک کی۔ اس کے بعد چوتھے اوور میں مزید چار وکٹیں لے کر انہوں نے اپنی وکٹوں کی تعداد سات تک پہنچا دی۔ View this post on Instagram A post shared by Confederação Brasileira de Cricket (@cricketbrasil) چھٹے اوور میں مزید دو وکٹیں لے کر انہوں نے ایک اننگز میں نو وکٹوں کا بے مثال کارنامہ انجام دیا۔ آخری وکٹ میریانے آرتور نے حاصل کی، جبکہ لیسوتھو کی ٹیم 6.2 اوورز میں صرف 13 رنز پر آؤٹ ہو گئی، یوں برازیل نے 189 رنز سے بڑی کامیابی حاصل کی۔ برازیل ٹی ٹوئنٹی افریقی ملک لیسوتھو کے خلاف لورا کارڈوسو کی شاندار بولنگ کا آغاز دوسرے اوور میں ہوا جب فاسٹ بولر نے ہیٹ ٹرک کی۔ اس کے بعد چوتھے اوور میں مزید چار وکٹیں لے کر انہوں نے اپنی وکٹوں کی تعداد سات تک پہنچا دی۔ انڈپینڈنٹ اردو جمعرات, اپریل 9, 2026 - 22:00 Main image:

لورا کارڈوسو نے افریقی ملک لیسوتھو کے خلاف شاندار سپیل کیا اور اپنے تین اوورز میں 4 رنز دے کر 9 وکٹیں حاصل کیں (کرکٹ برازیل انسٹاگرام اکاؤنٹ)

کرکٹ type: news related nodes: ٹی ٹوئنٹی ورلڈ کپ: فاتچ انڈین ٹیم کو تقریبا 4 ارب روپے کا انعام ملا ٹی 20 ورلڈ کپ کے 11.25 ملین ڈالر میں سے پاکستان کو کتنے ملے؟ فن ایلن کی ’تیز ترین‘ سینچری: نیوزی لینڈ ٹی 20 ورلڈ کپ کے فائنل میں پہنچ گیا ورلڈ کپ 2026: راشد خان کی ٹی 20 کرکٹ میں 700 وکٹیں SEO Title: برازیل کی لورا کارڈوسو کی ایک اننگز میں نو وکٹیں، ٹی ٹوئنٹی میں تاریخ رقم کر دی copyright: show related homepage: Show on Homepage

Go to News Site