ජනපති ට්‍රම්ප් හදිසියේම නෙතන්යාහු අමතයි

අමෙරිකානු ජනාධිපති ඩොනල්ඩ් ට්‍රම්ප් සහ ඊශ්‍රායල අගමැති බෙන්ජමින් නෙතන්යාහු අතර දුරකථන සංවාදයක් පවත්වා ඇති බව විදෙස් මාධ්‍ය වාර්තා කරයි. එහිදී ජනාධිපති ඩොනල්ඩ් ට්‍රම්ප් විසින් ලෙබනනය වෙත එල්ල කරන හමුදා ප්‍රහාර සීමා කරන ලෙසට අගමැති බෙන්ජමින් නෙතන්යාහුගෙන් ඉල්ලා ඇත. මේ වනවිට ඉරානය සමග ආරම්භ වී ඇති තීරණාත්මක සාම සාකච්ඡා බාධාවකින් තොරව පවත්වාගෙන යාම එම ඉල්ලීමේ ප්‍රධාන අරමුණ බව වාර්තා වේ. ඉරානය සමග පවතින රාජ්‍ය තාන්ත්‍රික ප්‍රයත්නයන් අවදානමට ලක්වීම වැළැක්වීම සඳහා හමුදා ක්‍රියාමාර්ග අවම කරන ලෙස මෙහිදී අමෙරිකානු ජනාධිපතිවරයා ඉල්ලා ඇත. මේ අතර ඊශ්‍රායලය තවදුරටත් ලෙබනනයට ප්‍රහාර එල්ල කළ හොත් ඉරානය සටන් විරාමයෙන් ඉවත්වන බවත් ඊශ්‍රායලයට ප්‍රතිප්‍රහාර එල්ල කරන බවටත් අනතුරු අඟවා ඇත. මේ පුවත තව අයට බලන්න Facebook එකට Share කරන්න WhatsApp එකට Share කරන්න

Go to News Site