«Ես շատ եմ գնահատում ՔՊ կուսակցության ղեկավարների հարգանքը ընտրությունների նկատմամբ, երբ տեսնում եմ Վանաձորի ընտրված քաղաքապետ Մամիկոն Ասլանյանին, Ալավերդու ընտրված քաղաքապետին». Նարեկ Կարապետյան

Փարատելով «Առաջինի լրատվականի» լրագրողի արտահայտած զարմանքը՝ կապված Սամվել Կարապետյանի՝ արհեստական բանականության միջոցով ելույթների հետ, «Ուժեղ Հայաստան» կուսակցության խորհրդի անդամ Նարեկ Կարապետյանն ասաց. «Մենք մոտ հինգ նամակ ենք գրել դատախազություն՝ հարցնելով, արդյո՞ք ազատ է մեր առաջնորդի խոսքի իրավունքը, Սամվել Կարապետյանը որպես կողմ իրավունք ունի՞ տեսաուղերձի։ Եթե պատասխանները տեսնեք, ձեզ պետք է չորս իրավաբան, որպեսզի մեկնաբանի։ Եվ չորս իրավաբաններից ոչ մեկը նույն կերպ չի մեկնաբանել պատասխանները։ Մեր իրավական համակարգին և դատախազությանը կոչ եմ անում, որպեսզի նորմալ պատասխան գրի՝ «թույլատրվում է»։

Go to News Site