ស្នងការនគរបាលខេត្តព្រៃវែង ៖ ខ្ញុំជឿជាក់ថា ប៉ុន្មានថ្ងៃខាងមុខនេះ ពីលើស្ពានអ្នកលឿងឆ្ពោះទៅទិសខាងកើតដល់ព្រំប្រទល់ខេត្តស្វាយរៀង ចរាចរណ៍នឹងមិនកកស្ទះនាំឱ្យខាតបង់ប្រាក់របស់ប្រជាពលរដ្ឋឡើយ

ខេត្តព្រៃវែង ៖ ថ្នាក់ដឹកនាំដែលមានភាពទទួលខុសត្រូវ ហើយជាសមត្ថកិច្ចយកចិត្តទុកដាក់លើសន្តិសុខ សណ្តាប់សង្គម បង្ការ បង្រ្កាបបទល្មើស ការពារបម្រើ ប្រជាពលរដ្ឋ ពង្រឹងកងកម្លាំង នោះជាតម្រូវការថ្នាក់លើចង់បាន ចង់ឃើញ ។ ករណី លោកឧត្តមសេនីយ៍ទោ ឈឿន ប៊ុនឆន ស្នងការនគរបាលខេត្តព្រៃវែង គេទទួលស្គាល់ថា គាត់និយាយតិច ធ្វើការងារច្រើន ។ នៅថ្ងៃទី១១ ខែមេសា ឆ្នាំ២០២៦ លោកឧត្តមសេនីយ៍ទោ ឈឿន ប៊ុនឆន ស្នងការនគរបាលខេត្តព្រៃវែង លោកបាននិយាយយ៉ាងខ្លីថា ៖ ខ្ញុំជឿជាក់ថា ប៉ុន្មានថ្ងៃខាងមុខនេះ ពីលើស្ពានអ្នកលឿងឆ្ពោះទៅទិសខាងកើតដល់ព្រំប្រទល់ខេត្តស្វាយរៀង ចរាចរណ៍នឹងមិនកកស្ទះនាំឱ្យខាតបង់ប្រាក់របស់ប្រជាពលរដ្ឋឡើយ ។ ខ្ញុំជឿជាក់លើនគរបាល និងប្រជាការពារខេត្តព្រៃវែង ។ ខ្ញុំក៏ជឿជាក់ដែរថា ប្រជាជនទូទៅនឹងគោរពច្បាប់ចរាចរណ៍ប្រកបដោយភាពថ្លៃថ្នូរ ៕ ដោយ ៖ សិលា

Go to News Site