ရူတ်ႉၵႃးတၢင်ႇၵူၼ်းပိၼ်ႈၶွမ်ႈတီႈၼမ်ႉၽၵ်းၵႃ ၵူၼ်းတၢႆ 5 ၵေႃႉ မၢတ်ႇၸဵပ်းၼမ်

မိူဝ်ႈၼႆႉဝၼ်းတီႈ 11/04/2026 ယၢမ်းၵၢင်ဝၼ်း ၵႃးတၢင်ႇၵူၼ်း(ရူတ်ႉတူႈ) လမ်းၼိုင်ႈ ပဵၼ်ၽေးဢုပၢတ်ႈပိၼ်ႈၶွမ်ႈၼႂ်းၸႄႈဝဵင်းၵူတ်ႉၶၢႆလႄႈ ၵူၼ်းၶီႇမႃးၸွမ်းၼႂ်းရူတ်ႉၵႃးတၢႆ 5 ၵေႃႉ မၢတ်ႇၸဵပ်းထႅင်ႈတင်းၼမ်ဝႃႈၼႆ။ ရူတ်ႉၵႃးတၢင်ႇၵူၼ်းၼႆႉပိၼ်ႈၶွမ်ႈႁိမ်းဝၢၼ်ႈပၢင်ႇၸလွပ်ႈ ၼႂ်းၵႄႈ ဝၼ်ႈၼမ်ႉၽၵ်းၵႃလႄႈ ဝၢၼ်ႈၼမ်ႉဢုမ်။ ၽွင်းလူင်းၵုင်းၼၼ်ႉ ပရိၵ်ႈ/ပဵၵ်ႇ မၼ်းၶၢတ်ႇသေႁဵတ်းႁႂ်ႈရူတ်ႉပိၼ်ႈၶွမ်ႈ။ တၢႆထင်တီႈ 3 ၵေႃႉ။ ၽွင်းဢဝ်ၵႂႃႇႁူင်းယႃၼၼ်ႉတၢႆထႅင်ႈၵေႃႉၼိုင်ႈ။ ထိုင်ႁူင်းယႃယဝ်ႉသမ်ႉတၢႆထႅင်ႈ 2 ၵေႃႉ။ ၵူၼ်းမၢတ်ႇၸဵပ်း 13 ၵေႃႉ- ၼႆၵူၼ်းပိုၼ်ႉတီႈလၢတ်ႈၼင်ႇၼႆ။ ပဵၼ်ရူတ်ႉၵႃးဢၼ်လုၵ်ႉဝဵင်းလိူဝ်ႇသေ ဢၢၼ်းၶိုၼ်ႈၵႂႃႇမူႇၸေႊ။ တၢင်ႇမႃးၵူၼ်းၸၢႆး 5 ၵေႃႉ ၼၢင်းယိင်း 13 ၵေႃႉ လႄႈၵူၼ်းၶပ်းရူတ်ႉၵေႃႉၼိုင်ႈတင်းမူတ်းပဵၼ် 19 ၵေႃႉလႆႈႁူႉၼင်ႇၼႆ။ The post ရူတ်ႉၵႃးတၢင်ႇၵူၼ်းပိၼ်ႈၶွမ်ႈတီႈၼမ်ႉၽၵ်းၵႃ ၵူၼ်းတၢႆ 5 ၵေႃႉ မၢတ်ႇၸဵပ်းၼမ် appeared first on SHAN News .

Go to News Site