انڈین پارلیمنٹ میں خواتین کی نشستیں 33 فیصد کرنے کا اعلان

انڈین وزیراعظم نریندر مودی نے پارلیمنٹ میں خواتین کی نمائندگی بڑھانے کے لیے ایک اہم بل کو تیزی سے منظور کرانے کا اعلان کیا ہے، جس کے بعد ملک کے سیاسی ڈھانچے میں بڑی تبدیلی کا امکان ظاہر کیا جا رہا ہے۔ انہوں نے جمعرات کو کہا کہ 16 اپریل کو پارلیمنٹ کا ایک خصوصی اجلاس بلایا جائے گا جس میں اس ’اہم بل‘ پر بحث اور اسے منظور کیا جائے گا۔ اس کا مقصد خواتین کے لیے مخصوص نشستوں کے قانون کو عملی شکل دینا ہے۔ یہ مجوزہ قانون 2023 کے اس قانون پر عمل درآمد کو تیز کرے گا جس کے تحت قومی پارلیمنٹ اور ریاستی اسمبلیوں میں 33 فیصد نشستیں خواتین کے لیے مختص کی جائیں گی۔ اگر یہ بل منظور ہو جاتا ہے تو اس سے خواتین اراکین پارلیمنٹ کی تعداد میں نمایاں اضافہ ہوگا اور پالیسی سازی پر بھی گہرا اثر پڑے گا۔ اس وقت لوک سبھا میں خواتین کی نمائندگی صرف 14 فیصد ہے، یعنی 543 میں سے صرف 75 نشستیں خواتین کے پاس ہیں۔ نیا قانون نہ صرف اس شرح کو بڑھائے گا بلکہ ممکنہ طور پر پارلیمنٹ کی مجموعی نشستوں میں بھی اضافہ کرے گا۔ اطلاعات کے مطابق ترمیم کے بعد لوک سبھا کی نشستیں 543 سے بڑھ کر 816 تک جا سکتی ہیں، جو انڈیا کے جمہوری ڈھانچے میں ایک بڑی تبدیلی ہوگی۔ مودی نے کہا ہے کہ ’معاشرہ اس وقت ترقی کرتا ہے جب خواتین ترقی کرتی ہیں۔‘ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) انہوں نے مزید کہا کہ سیاست اور قانون سازی میں خواتین کی کم نمائندگی افسوس ناک ہے کیونکہ ان کی شمولیت حکمرانی کو بہتر بناتی ہے اور فیصلوں کو زیادہ مؤثر بناتی ہے۔ اس قانون کے نفاذ میں تاخیر اس لیے ہوئی تھی کیونکہ نئی مردم شماری کے اعداد و شمار درکار تھے، جو کووڈ-19 کی وجہ سے 2021 میں مؤخر ہو گئی تھی۔ انڈیا نے حال ہی میں 15 سال بعد نئی مردم شماری شروع کی ہے، جو ایک بہت بڑا انتظامی عمل ہے۔ حکومت اب تجویز دے رہی ہے کہ حلقہ بندی 2011 کی آخری مکمل مردم شماری کی بنیاد پر کی جائے تاکہ اس عمل میں مزید تاخیر نہ ہو۔ اگر یہ بل منظور ہو جاتا ہے تو یہ دنیا کی سب سے بڑی جمہوریت میں خواتین کی سیاسی شمولیت کے حوالے سے ایک تاریخی پیش رفت ہوگی۔ انڈیا خواتین لوک سبھا عام انتخابات پارلیمنٹ اس وقت لوک سبھا میں 543 میں سے صرف 75 نشستیں خواتین کے پاس ہیں۔ اے ایف پی اتوار, اپریل 12, 2026 - 09:00 Main image:

13 مئی، 2024 کو انڈین ریاست تیلنگانہ میں خواتین عام انتخابات میں ووٹ ڈالنے کے لیے قطار بنائے کھڑی ہیں(روئٹرز)

ایشیا type: news related nodes: نریندر مودی کے سیاسی مخالف اروند کیجریوال کرپشن کیس میں بری مودی کی اسرائیلی وزیراعظم سے ملاقات، عبرانی زبان میں پوسٹ ’نئی شراکت داریوں‘ پر بات چیت کے لیے نریندر مودی کا دورہ اسرائیل ’مودی نے ملک بیچ دیا:‘ امریکی ٹیرف معاہدے پر انڈیا میں کڑی تنقید SEO Title: انڈین پارلیمنٹ میں خواتین کی نشستیں 33 فیصد کرنے کا اعلان copyright: show related homepage: Hide from Homepage

Go to News Site