تین ناکامیوں کے بعد سنجو سیمسن کی سینچری سے فارم کی واپسی

سنجو سیمسن ٹی ٹوئنٹی ورلڈ کپ میں ٹورنامنٹ کے بہترین کھلاڑی قرار دیے جانے کے بعد سے فارم کے لیے جدوجہد کر رہے تھے، لیکن ہفتے کو انہوں نے 56 گیندوں پر ناقابل شکست 115 رنز بنا کر اپنی پرانی جھلک دکھائی۔ ان کی اس اننگز کی بدولت چنئی سپر کنگز نے دہلی کیپیٹلز کو 23 رنز سے شکست دے دی۔ 31 سالہ وکٹ کیپر بیٹر نے راجستھان رائلز سے چنئی منتقل ہونے کے بعد آئی پی ایل سیزن کا آغاز سست روی سے کیا اور ابتدائی تین میچوں میں صرف چھ، سات اور نو رنز بنائے۔ تاہم، ہفتے کے میچ میں انہوں نے 15 چوکوں اور چار چھکوں پر مشتمل شاندار اننگز کھیلی جب چنئی نے ٹاس ہار کر پہلے بیٹنگ کی۔ انہیں 18 سالہ آیوش ہمتری نے بھی خوب سہارا دیا، جو 36 گیندوں پر 59 رنز بنا کر ریٹائرڈ آؤٹ ہوئے۔ چنئی نے 20 اوورز میں دو وکٹوں کے نقصان پر 212 رنز بنائے، جب کہ جواب میں دہلی کی ٹیم 189 رنز تک محدود رہی۔ سیمسن نے میچ کے بعد گفتگو کرتے ہوئے کہا ’سچ بات یہ ہے کہ آپ جتنی بھی اچھی فارم میں ہوں یا ملک کے لیے کتنے ہی میچ جیتے ہوں، دو تین ناکامیاں ذہن میں شکوک پیدا کر دیتی ہیں۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) ’لیکن میں نے فیصلہ کیا کہ واپس بنیادی چیزوں پر آؤں، خود پر یقین رکھوں اور اپنی سکورنگ کے طریقے پر قائم رہوں۔‘ سیمسن نے آئی پی ایل میں اپنے کیریئر کی چوتھی سینچری سکور کی اور چنئی کو سیزن کی پہلی کامیابی دلوائی، جس سے پانچ مرتبہ کی چیمپیئن ٹیم، جو زخمی سابق کپتان مہندر سنگھ دھونی کے بغیر میدان میں اتری تھی، پر دباؤ کچھ کم ہوا۔ انہوں نے مزید کہا ’تین میچ ہارنے کے باوجود آج ہماری میٹنگ صرف 50 سیکنڈ کی ہوئی۔ یہ ظاہر کرتا ہے کہ یہ فرنچائز کیسے چلتی ہے اور یہ انداز میرے مزاج سے بہت میل کھاتا ہے۔‘ اس فتح کے باوجود پوائنٹس ٹیبل میں چنئی 10 ٹیموں میں نویں نمبر پر ہے۔ آئی پی ایل وکٹ کیپر بیٹر نے راجستھان رائلز سے چنئی سپر کنگز منتقل ہونے کے بعد اس آئی پی ایل سیزن کے ابتدائی تین میچوں میں صرف چھ، سات اور نو رنز بنائے تھے۔ روئٹرز اتوار, اپریل 12, 2026 - 10:00 Main image:

چنئی سپر کنگز کے سنجو سیمسن 11 اپریل، 2026 کو چنئی میں دہلی کیپیٹلز کے خلاف سینچری بنانے کے بعد (اے ایف پی)

کرکٹ type: news related nodes: سوریاونشی: والد کے ادھورے خواب کو پورا کرنے کی داستان برازیل کی لورا کارڈوسو کی ایک اننگز میں نو وکٹیں، ٹی ٹوئنٹی میں تاریخ رقم کر دی پی ایس ایل 11 کے لاہور مرحلے کے آٹھ دلچسپ پہلو گذشتہ آئی پی ایل میں ناکام بشنوی کی شان دار واپسی کیسے ہوئی؟ SEO Title: تین ناکامیوں کے بعد سنجو سیمسن کی سینچری سے فارم کی واپسی copyright: show related homepage: Hide from Homepage

Go to News Site