ၸူႉၵဝ်ႇတႅင်းၸဝ်ႈသၢဝ်ဢၼ်တေၵူပ်ႉၵူႈတႅင်ႇငၢၼ်းၸွမ်းၵေႃႉမႂ်ႇ တီႈဝဵင်းပၢင်ႇဢူႈလူင်

တီႈဝဵင်းပၢင်ႇဢူႈလူင်/ပျိၼ်ႇဢူးလုၼ်ႇ (ဝဵင်းၸၼ်ႉၸွမ်တပ်ႉသိုၵ်းမၢၼ်ႈ) ၼႂ်းတိူင်းတႃႈလိူဝ်ႇမၼ်းတလေး ၼၢင်းယိင်းဢွၼ်ႇၵေႃႉၼိုင်ႈတိုၵ်ႉၶိုင်ၸတ်းပွႆးၵူပ်ႉၵူႈသွၼ်ႉမိင်ႈယူႇၼၼ်ႉ မီးၸူႉၵဝ်ႇမၼ်းၼၢင်းၶဝ်ႈႁိူၼ်းမႃးတႅင်း ပေႃႈမၼ်းၼၢင်းလႄႈ ၸဝ်ႈမၢဝ်ႇမၼ်းၼၢင်းၵေႃႈမၢတ်ႇၸဵပ်းထိုင်တီႈလႆႈဢဝ်ၵႂႃႇယူတ်းယႃတူဝ်တီႈႁူင်းယႃ။ ဝၼ်းတီႈ 11/04/2026 မိူဝ်ႈဝႃးယၢမ်းၵၢင်ၶမ်ႈ တီႈႁိူၼ်းဢၼ်ႁၢင်ႈႁႅၼ်းပၢင်ၶႅၵ်ႇ ဢၼ်မီးၼႂ်းပွၵ်ႉ 19 ႁွင်ႈပႃယဵၼ်ႇ(ငယၢၼ်ႉၶျွင်း) ဝဵင်းပၢင်ႇဢူႈလူင်ၼၼ်ႉ မီးၸၢႆးၼုမ်ႇၵေႃႉၼိုင်ႈယိပ်းမိတ်ႈၶဝ်ႈႁိူၼ်းမႃးသေ မႃးတႅင်းၸဝ်ႈသၢဝ် (ၸူႉၵဝ်ႇၸၢႆးၼုမ်ႇ) ၼၼ်ႉမၢတ်ႇၸဵပ်းလိူဝ်ႁႅင်း – ၼႅတ်ႈဢဝ်ၵႂႃႇႁူင်းယႃယူႇသေတႃႉၵေႃႈ ၵႂႃႇတၢႆပႅတ်ႈတီႈႁူင်းယႃ ။ ၸၢႆးၼုမ်ႇၵေႃႉၶဝ်ႈမႃးတႅင်းၼၼ်ႉဢႃယုမီး 25 ပီ။ၼၢင်းယိင်းၸဝ်ႈသၢဝ်(ၵေႃႉပဵၼ်ၸူႉၵဝ်ႇၸၢႆးၼုမ်ႇ) ၼၼ်ႉသမ်ႉဢႃယုမီးမွၵ်ႈ 27 ပီ။ ၽွင်းၸဝ်ႈသၢဝ်ၺႃးတႅင်းယူႇၼၼ်ႉ ၸဝ်ႈမၢဝ်ႇ ဢႃယုမွၵ်ႈ 25 ပီ လႄႈ ပေႃႈၸဝ်ႈသၢဝ် ဢႃယု 70 ပီၼၼ်ႉ ၶဝ်ႈမႃးၶႄ။ ၸၢႆးၼုမ်ႇၸူႉၵဝ်ႇၸဝ်ႈသၢဝ် ၶိုၼ်းဝၢႆႇတႅင်းပေႃႈၸဝ်ႈသၢဝ်လႄႈ ၸဝ်ႈမၢဝ်ႇ ထိုင်တီႈလႆႈမၢတ်ႇၸဵပ်း။ ဝၢႆးၼၼ်ႉ ပလိၵ်ႈမၢၼ်ႈလိုပ်ႈလမ်းတီႉၺွပ်းၸၢႆးၼုမ်ႇၵေႃႈၶဝ်ႈမႃးတႅင်း။ ၵူၺ်းၵႃႈၸွင်ႇတီႉလႆႈဢမ်ႇတီႉလႆႈတႄႉ ဢမ်ႇႁူႉ။ ဝဵင်းပၢင်ႇဢူႈလူင်ၼႆႉ ငဝ်ႈတိုၼ်းမိူဝ်ႈၵွၼ်ႇ ပဵၼ်ဝဵင်းတႆး မီးၼႂ်းၽႅၼ်ႇလိၼ်ၸိုင်ႈတႆး။ ၵူၼ်းယူႇသဝ်းၼႂ်းဝဵင်းၵေႃႈပဵၼ်တႆးလွၼ်ႉလွၼ်ႉ။ ဝဵင်းပၢင်ႇဢူႈလူင် မီးၼိူဝ်လွႆ […] The post ၸူႉၵဝ်ႇတႅင်းၸဝ်ႈသၢဝ်ဢၼ်တေၵူပ်ႉၵူႈတႅင်ႇငၢၼ်းၸွမ်းၵေႃႉမႂ်ႇ တီႈဝဵင်းပၢင်ႇဢူႈလူင် appeared first on SHAN News .

Go to News Site