Nokorwat News
ខេត្តកំពង់ចាម ៖ ក្មេងវត្តម្នាក់មានជីវិតអភ័ព្វ ត្រូវបានឪពុកម្ដាយបោះបង់ចោលឱ្យមកនៅជាមួយព្រះ សង្ឃក្នុងវត្តបឹងកុក ក្រុងកំពង់ចាម តាំងតែពីអាយុ ប្រមាណ៥ឆ្នាំ ដោយសារឪពុកពិការជើងសងខាង គ្មានលទ្ធភាពចិញ្ចឹម ។ លុះដល់អាយុ១៦ឆ្នាំ បែរជាត្រូវក្មេងពាលប្រើដាវកាប់ប្រហារបណ្ដាលឱ្យដាច់ប្រអប់ដៃឆ្វេងម្ខាងធ្លាក់លើដី និងស្រាំលលាដ៏ក្បាល របួសជាទម្ងន់ឈាមហូរស្រោចពេញខ្លួនប្រាណ នៅចំណុចក្បែរទីតាំងស្ថានីយ៍បូមទឹករដ្ឋាករទឹកខេត្តមាត់ទន្លេ ក្រុងកំពង់ចាម ។ ហេតុការណ៍អំពើកាប់ប្រហារនេះ បានកើតឡើងនៅវេលាម៉ោងប្រមាណ១យប់រំលងអធ្រាតឈានចូលថ្ងៃទី១២ មេសា ឆ្នាំ២០២៦ ចំពោះជនបង្កគិតរហូតមកដល់រសៀលថ្ងៃដដែល មិនទាន់ត្រូវបានសមត្ថកិច្ចស្គាល់អត្តសញ្ញាណ និងចាប់ខ្លួនបាននៅឡើយ ។ យោងតាមសម្ដីសាក្សីមួយរូបប្រាប់ឲ្យដឹងថា មុនពេលកើតហេតុ ជនពាលម្នាក់បានពាក់មួកហើយប្រាប់ម្ចាស់ ផ្ទះថា ឈឺពោះសុំចូលបន្ទប់ទឹកបត់ជើងមួយភ្លែត គ្រាននោះម្ចាស់ផ្ទះបានឱ្យចូលទៅពេលដែលចេញមកក្រៅវិញបានបន្តិច ស្រាប់តែកើតហេតុដោយជនមិនស្គាល់អត្តសញ្ញានេះ បានកាប់ប្រហារលើយុវជនម្នាក់ជាហេតុបណ្ដាលឲ្យដាច់ប្រអប់ដៃធ្លាក់លើដី ហើយឈាមហូរស្រោចពេញខ្លួនប្រាណឯជនបង្កបានរត់គេចខ្លួនបាត់។ យោងតាមសម្ដីសាក្សីបានឱ្យដឹងទៀតថា ពេលដែលយុវជនរងរបួស ហើយបានប្រឹងរត់គេចទាំងរបួសបានប្រមាណមិនដល់១០ម៉ែត្រផង គាត់ដួលទៅលើផ្លូវថ្នល់ ។ គ្រានោះ មានបុរសម្នាក់ដែលជិះម៉ូតូមកទិញបារីជក់ឃើញអាណិត ក៏បានជួយគ្រាលើកដាក់លើម៉ូតូ បន្ទាប់មកក៏មានប្រជាជនម្នាក់ទៀតស្ម័គ្រចិត្តជួយទប់ពីក្រោយដឹកយកមកសង្គ្រោះនៅមន្ទីរពេទ្យខេត្តកំពង់ចាម។ ក្រោយហេតុការណ៍កាប់ប្រហារមួយសន្ធុះធំ ក៏បាន ឃើញកម្លាំងសមត្ថកិច្ចមកដល់សួរនាំរកហេតុផលតែមិនមានអ្នកណាម្នាក់បានដឹងពិតប្រាកដផ្ដើមចេញមកពីអ្វីនោះទេ ។ ស្ត្រីឈ្មោះវួច ឆេង អាយុ៥៨ឆ្នាំ រស់នៅភូមិបឹងកុកទី២ បានរៀបរាប់ឲ្យដឹងថា គាត់បានមកលក់ដូរនៅវត្តបឹងកុកតាំងពីយូរមកហើយ មានពេលមួយនោះ ...
Go to News Site