Fréttastofa RÚV
Kanadíska stórstjarnan Justin Bieber tróð upp á Coachella-tónlistarhátíðinni í Kaliforníu í gærkvöldi. Þetta voru fyrstu stóru tónleikar hans í fjögur ár. Flutningur Biebers var að sumu leyti með nokkuð óvenjulegu móti en hann eyddi stórum hluta tónleikanna fyrir framan fartölvu og söng við YouTube-myndskeið eldri laga sinna – til dæmis Baby og Never Say Never . Þá sýndi hann myndbönd af sjálfum sér að syngja á barnsaldri, áður en hann varð heimsfrægur. Árið 2022 hætti Bieber við tónleikaferðalag um heiminn eftir að hafa greinst með Ramsay Hunt-heilkenni sem olli meðal annars lömun í andliti. Hann gaf út tvær plötur, Swag og Swag II, árið 2025.
Go to News Site