’حکمت عملی میں تبدیلی کی ضرورت‘: ستاروں سے بھری ممبئی انڈینز کی لگاتار تیسری شکست

ممبئی انڈینز کے کپتان ہردک پانڈیا نے ٹورنامنٹ میں لگاتار تیسری شکست کے بعد کہا ہے کہ ان کی ٹیم کو اب دوبارہ سے حکمت عملی پر کام کرنا پڑے گا۔ انڈین پریمیئر لیگ میں اتوار کو بڑے بڑے ناموں سے بھری ممبئی انڈینز کو رواں سیزن میں لگاتار تیسری شکست کا سامنا کرنا پڑا جب انہیں ویراٹ کوہلی کی رائل چیلنجرز بینگلور نے 18 رنز سے ہرا دیا۔ ممبئی انڈینز کے لیے یہ ایک انتہائی مایوس کن آغاز ہے کیونکہ اگر ان کے سکواڈ پر نظر ڈالی جائے تو آپ کو اس میں روہت شرما، رائن رکلٹن، کوئنٹن ڈی کاک، سوریا کمار یادیو، ہردک پانڈیا، تلک ورما اور جسپریت بمراہ جیسے بڑے بڑے نام دکھائی دیں گے۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) اتنے بڑے ناموں کے باوجود ممبئی انڈینز رواں سیزن میں پہلا میچ جیتنے کے بعد لگاتار تین میچز ہار چکی ہے، اور اس وقت پوائنٹس ٹیبل پر آٹھویں نمبر پر موجود ہے۔ رائل چیلنجرز بینگلور سے 240 رنز پڑنے کے بعد 222 رنز تک ہی پہنچنے پر کپتان ہردک پانڈیا نے پریزینٹیشن کے موقع پر کہا کہ ’بہت سے چیزوں پر دوبارہ سوچنے کی ضرورت ہے۔ مگر ہمیں بیٹ اور بال سے دوسرے آپشنز جو ہمارے پاس ہیں انہیں بھی دیکھنا ہوگا۔‘ ہردک پانڈیا نے کہا کہ ’ہمیں اب بھی اچھی بیٹنگ اور بولنگ کرنا ہوگی۔ اگر آپ ایسا کرتے ہیں، چاہے ٹاس کا فیصلہ کچھ بھی ہو، ہم اچھا ہی کریں گے۔‘ کرکٹ پاکستان انڈین پریمیئر لیگ انڈین پریمیئر لیگ میں اتوار کو بڑے بڑے ناموں سے بھری ممبئی انڈینز کو رواں سیزن میں لگاتار تیسری شکست کا سامنا کرنا پڑا۔ انڈپینڈنٹ اردو سوموار, اپریل 13, 2026 - 12:30 Main image:

ممبئی انڈینز کے کپتان ہردک پانڈیا اور سوریا کمار یادیو 12 اپریل 2026 کو رائل چیلنجرز بینگلور کے خلاف میچ میں حکمت عملی بناتے ہوئے (اے ایف پی)

کرکٹ type: news related nodes: تین ناکامیوں کے بعد سنجو سیمسن کی سینچری سوریاونشی: والد کے ادھورے خواب کو پورا کرنے کی داستان سوریا ونشی کو شہرت سے دور رہتے ہوئے طویل سفر طے کرنا ہے: ڈریوڈ سوریہ ونشی نے بمراہ کا سخت امتحان بہترین نمبروں سے پاس کر لیا SEO Title: ’حکمت عملی میں تبدیلی کی ضرورت‘: ستاروں سے بھری ممبئی انڈینز کی لگاتار تیسری شکست copyright: show related homepage: Hide from Homepage

Go to News Site