ပွႆးသွၼ်းၼမ်ႉမိူင်းထႆးၵိုၼ်းၶွၼ်ႈ ၶႅၵ်ႇတွင်ႈတဵဝ်းဝႃႈပဵၼ်တႃႇယႃၸႂ်

ဝၢႆးလင်တၢင်းပဵၼ်ၶူဝ်ႊဝိတ်ႉလၢမ်းၽႄႈယဝ်ႉၼႆႉ ယိူင်းဢၢၼ်းတႃႇယုၵ်ႉမုၼ်းပၢႆးမၢၵ်ႈမီးၸိုင်ႈမိူင်းၶိုၼ်းၼႆႉသေ လူင်ပွင်ၸိုင်ႈမိူင်းထႆးၸတ်းႁဵတ်းပွႆးသွၼ်းၼမ်ႉၵိုၼ်းၶွၼ်ႈၵူႈပီ ပီၼႆႉၵေႃႈၸတ်းႁဵတ်းပွႆးသွၼ်းၼမ်ႉတႄႇဝၼ်းတီႈ 12/04/2026 မႃးတေဢၢၼ်းၸတ်းတေႃႇထိုင်ဝၼ်းတီႈ 17/04/2026 ။ ပီၼႆႉ ၵူၼ်းၼွၵ်ႈမိူင်း ၼႂ်းလုမ်ႈၾႃႉ မႃးၶဝ်ႈႁူမ်ႈၼမ်။ လူင်ပွင်ၸိုင်ႈမိူင်းထႆးပိုၼ်ၽၢဝ်ႇဝႃႈပဵၼ်ၵူၼ်းဝၼ်းဢွၵ်ႇၵၢင်ၼမ် လႅပ်ႈတေပၢႆႈပၢင်တိုၵ်းသေမႃးၶဝ်ႈႁူမ်ႈပၢင်ပွႆးတႃႇယူတ်းယႃၸႂ်ဝႃႈၼႆ။ ပွႆးသွၼ်းၼမ်ႉမိူင်းထႆးပီၼႆႉ ဢၼ်ၵိုၼ်းသုတ်းပဵၼ်ဝဵင်းလူင်ၵုင်းထဵပ်ႈ မိူၼ်ၼင်ႇသဵၼ်ႈတၢင်း သဵၼ်ႈတၢင်းသီလူမ်းလႄႈသဵၼ်ႈတၢင်းၶဝ်ႈသၢၼ်။ တီႈမိူင်းၵဵင်းမႂ်ႇသမ်ႉ ၵူၼ်းၵိုၼ်းသုတ်း တီႈၾႆးၶဵဝ်လႅင်ရိၼ်းၶမ်း ၼႃႈၵၢတ်ႇလူင်မေႊယႃႊ ။ မီးၵူၼ်းၼႂ်းမိူင်းထႆးလၢႆလၢႆဝဵင်း လႄႈမီးပႃးၵူၼ်းၼွၵ်ႈမိူင်း ၼႂ်းလုမ်ႈၾႃႉ ။ ၸၢဝ်းၾရင်ႇလႄႈၸၢဝ်းၶႄႇ ၊ ၵဝ်ႊရီႊၸိူဝ်းၼႆႉ ယိပ်းၵွင်ႈသိတ်းၼမ်ႉႁင်းၽႂ်မၼ်းသေ တဵၼ်ႈၵႃႈၸွမ်းသဵင်ၽဵင်းၵႂၢမ်း။ မီးပႃးၽူႈႁွင်ႈၵႂၢမ်းၸိုဝ်ႈသဵင်ယႂ်ႇမႃးမူၼ်ႈၸႂ်ႁွင်ႉၵႂၢမ်းပႃး။ ပွႆးသွၼ်းၼမ်ႉဝဵင်းၵဵင်းမႂ်ႇပီၼႆႉ ၾၢႆႇဢႅဝ်ႇယဵမ်ႈတွင်ႈတဵဝ်းပိုၼ်ၽၢဝ်ႇဝႃႈ ၶႅၵ်ႇဢႅဝ်ႇယဵမ်ႈတွင်ႈတဵဝ်းမႃးၶဝ်ႈႁူမ်ႈ ၼပ်ႉႁူဝ်မိုၼ်ႇၵေႃႉ။ တေမီးငိုၼ်းမုၼ်ဝဵင်းၸႂ်ႉၸၢႆႇၼႂ်းပွႆးသွၼ်းၼမ်ႉၼႆႉ 130000 လၢၼ်ႉဝၢတ်ႇ- ဝႃႈၼႆ။ ဝၼ်းတီႈ 12/04/2026 မေႃၵႃႈၾိင်ႈထုင်းမိူင်းၵဵင်းမႂ်ႇ 730 ၵေႃႉ သႂ်ႇသိူဝ်ႈၶူဝ်းပိုၼ်ႉမိူင်းသေၵႃႈ တီႈႁၢင်ႈပၼ်ႇၶုၼ်ႁေႃၶမ်း 3 ၸဝ်ႈ ၵၢင်ဝဵင်းၵဵင်းမႂ်ႇ မၢႆတွင်းဝၼ်းၵေႃႇတင်ႈမိူင်းၵဵင်းမႂ်ႇ 730 ပီ။ ၼႂ်းၸုမ်းတၢင်းၵႃႈၼၼ်ႉ […] The post ပွႆးသွၼ်းၼမ်ႉမိူင်းထႆးၵိုၼ်းၶွၼ်ႈ ၶႅၵ်ႇတွင်ႈတဵဝ်းဝႃႈပဵၼ်တႃႇယႃၸႂ် appeared first on SHAN News .

Go to News Site