Mediamax
Երեւան: Մեդիամաքս: Թուրքիայի արտաքին գործերի նախարար Հաքան Ֆիդանը գտնում է, որ Վաշինգտոնն ու Թեհրանը անկեղծ են տրամադրված հրադադարի հարցում։ «Բանակցություններում կողմերը շարադրել են իրենց սկզբնական դիրքորոշումները։ Սա նորմալ է, քանի որ սկզբնական դիրքորոշումները միշտ խնդիրներ են առաջացնում։ Ապա միջնորդների աջակցությամբ նրանք որոշակի պահի կփորձեն մոտեցնել դրանք», - ասել է Ֆիդանը Anadolu գործակալությանը։ Նա չի բացառել, որ ԱՄՆ-ն ու Իրանը համաձայնության կհասնեն կրակի դադարեցման ժամկետի երկարաձգման մասին։ «Եթե կողմերը կառուցողական գործեն, օրակարգում կարող է լրացուցիչ հրադադարի հարց ներառվել՝ 45 կամ 60 օրով, որպեսզի բանակցությունները շարունակվեն եւ կողմերը կարողանան լուծել խնդիրները», - նշել է Թուրքիայի ԱԳ նախարարը։
Go to News Site