Այս տարի Հայաստանը կփոխի ներկայացվածության մակարդակը Անթալիայի ֆորումում

Երեւան: Մեդիամաքս: Հայաստանի արտաքին գործերի նախարարի տեղակալ Վահան Կոստանյանը կմասնակցի ապրիլի 17-ից 19-ը կայանալիք Անթալիայի դիվանագիտական ֆորումի աշխատանքներին: Այս մասին է վկայում համաժողովի կայքում զետեղված մասնակիցների ցանկը։ Մեդիամաքսը նշում է, որ 2024 եւ 2025 թվականների Անթալիայի դիվանագիտական ֆորումներին Հայաստանը ներկայացրել էր արտաքին գործերի նախարար Արարատ Միրզոյանը։ 2025 թվականին Անթալիայի դիվանագիտական ֆորումի շրջանակներում տեղի էր ունեցել Հայաստանի եւ Թուրքիայի միջեւ հարաբերությունների կարգավորման հարցերով հատուկ ներկայացուցիչներ Ռուբեն Ռուբինյանի եւ Սերդար Քըլըչի հանդիպումը, իսկ 2024-ին նրանք մասնակցել էին ֆորումի պանելային քննարկումներից մեկին: Հայաստանի ԱԳՆ-ն դեռեւս պաշտոնական հաղորդագրություն չի տարածել այս տարվա Անթալիայի ֆորումին մասնակցության վերաբերյալ:

Go to News Site