Fór til Ungverjalands til að kjósa og vonast eftir bjartari framtíð

„Mér fannst skylda mín að taka flugvél til Ungverjalands, fljúga yfir Norður-Atlantshafið. Ég vona að við fáum bjartari framtíð og að margt breytist í mennta- og heilbrigðiskerfinu, sem og í hagkerfinu fyrir næstu kynslóð og líka fyrir foreldra okkar og fjölskylduna,“ sagði Mónika Pozár í viðtali við Björn Malmquist fréttamann í gær. Hún er ökuleiðsögumaður á Íslandi og er frá Ungverjalandi. Líkt og fleiri Ungverjar á Íslandi fór hún til heimalandsins til að kjósa í þingkosningunum í gær. Mikil fagnaðarlæti brutust út í gærkvöld þegar ljóst var að Tisza-flokkurinn hefði unnið stórsigur á flokki Viktors Orban sem hefur verið við völd í 16 ár og fólk þusti út á götur höfuðborgarinnar, þeirra á meðal var Mónika sem sendi fréttastofu myndbandið hér fyrir neðan. Þúsundir Ungverja þustu út á götur í gærkvöld þegar ljóst varð að Tisza-flokkurinn hefði unnið stórsigur. Þeirra á meðal var Monika Pozár sem býr á Íslandi en lagði upp í ferð til Ungverjalands til að kjósa. Hún sagði þá tilfinningu að kjósa í gær hafa verið mjög góða. „Þetta var í fyrsta sinn í mörg ár sem mér fannst að eitthvað myndi breytast.“ Hér fyrir neðan má sjá umfjöllun Björns Malmquist um kjördaginn og viðtal við Moniku í sjónvarpsfréttum í gærkvöld. Þúsundir Ungverja þustu út á götur í gærkvöld þegar ljóst varð að Tisza-flokkurinn hefði unnið stórsigur. Þeirra á meðal var Monika Pozár sem býr á Íslandi en lagði upp í ferð til Ungverjalands til að kjósa.

Go to News Site