Nokorwat News
ខេត្តព្រៃវែង ៖ កាលពីវេលារំលងអធ្រាត្រថ្ងៃទី១៣ឈានចូលព្រឹកថ្ងៃទី១៤ មេសា ជាថ្ងៃទី១នៃពិធីបុណ្យចូលឆ្នាំថ្មីប្រពៃណីខ្មែរ នៅឃុំកន្សោមអក ស្រុកកំពង់ត្របែក ខេត្តព្រៃវែង មានករណីបុរសម្នាក់តាមទាន់ប្រពន្ធកំពុងលួចជួបជាមួយប្រុសស្នេហ៍នៅក្បែរគុម្ភឬស្សី ធ្វើឲ្យទប់កំហឹងមិនបាន ក៏យកកូនកាំបិតចាក់ប្រុសស្នេហ៍ស្លាប់ក្នុងថ្លុកឈាម និងចាក់ប្រពន្ធជាច្រើនកាំបិតបបណ្ដាលឱ្យរងរបួសធ្ងន់ បង្កការភ្ញាក់ផ្អើលឆោឡោទាំងកណ្ដាលយប់។ បុរសជាជនដៃដល់ឈ្មោះ មឿន ចិត្ត អាយុ៤៥ ឆ្នាំ ត្រូវបានសមត្ថកិច្ចចាប់ឃាត់ខ្លួនភ្លាមៗ ក្រោយពីបង្កហេតុ។ ចំណែកស្ត្រីជាប្រពន្ធឈ្មោះស្បោង គុយគី អាយុ ៤១ឆ្នាំ រងរបួសធ្ងន់ធ្ងរត្រូវបានបញ្ជូនទៅកាន់មន្ទីរពេទ្យខេត្ត ស្វាយរៀងភ្លាមៗដើម្បីជួយសង្គ្រោះ រីឯបុរសជាសាហាយមានឈ្មោះ អេង លន់ អាយុ៤០ឆ្នាំ បានស្លាប់ភ្លាមៗនៅនឹងកន្លែងកើតហេតុ។ តាមចម្លើយសារភាពរបស់បុរសជាប្ដីបានឲ្យដឹងថា រូបគេបានសង្ស័យប្រពន្ធក្បត់លួចមានសាហាយជាយូរមកហើយ តែមិនទាន់ចាប់បានភស្តុតាង រហូតមកដល់វេលាម៉ោង២និង៥០ នាទីឈានចូលព្រឹកថ្ងៃទី ១៤ ខែមេសា ពេលខ្លួនភ្ញាក់ពីដេកបំណងឡើងទៅបត់ជើងតូច ស្រាប់ តែបាត់ប្រពន្ធមិនឃើញនៅក្នុងបន្ទប់ ទើបចេញដើររកខាងក្រៅផ្ទះ ស្រាប់តែឃើញនាងកំពុងនៅ នែបនិត្យ ជាមួយប្រុសសាហាយ នៅក្បែរគុម្ភឬស្សីខាងក្រោយផ្ទះ ទើបកើតចិត្តក្តៅក្រហាយ ហើយក៏យកកូនកាំបិតចាក់សម្លាប់ទាំងពីរនាក់តែម្ដងទៅ។ បុរសជាប្ដីបានបញ្ជាក់ទៀតថា ក្រោយពីចាក់សម្លាប់ប្រុសសាហាយរួច រូបគេបានចាក់ប្រពន្ធជាច្រើនកាំបិតរហូតដេកដូលលើដី ដោយគិតថាប្រពន្ធស្លាប់ហើយ ទើបរូបគេស្រែកប្រាប់បងប្អូនសាច់ញាតិ ធ្វើឲ្យផ្អើលឆោឡោឡើង និងមានសមត្ថកិច្ចចុះមកចាប់ឃាត់រូបគេភ្លាមៗតែម្ដង។ ...
Go to News Site