Mediamax
Երեւան: Մեդիամաքս: Հայաստանի արտգործնախարար Արարատ Միրզոյանը եւ Եվրոպական հանձնաժողովի փոխնախագահ, ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալասը Բրյուսելում քննարկել են ՀՀ-ԵՄ գործընկերության ռազմավարական օրակարգի հարցերը: ՀՀ ԱԳՆ-ից հայտնել են, որ հանդիպմանն «անդրադարձ է կատարվել մայիսին Երեւանում կայանալիք ՀՀ-ԵՄ գագաթնաժողովի բովանդակային նախապատրաստման հարցերին. ընդգծվել է ՀՀ քաղաքացիների համար շոշափելի արդյունքների ապահովմանն ուղղված ծրագրերի իրականացման շուրջ համաձայնությունը»: «Արարատ Միրզոյանը եւ Կայա Կալասը քննարկել են ժողովրդավարական դիմակայունության շարունակական ամրապնդմանն ուղղված նախաձեռնությունները, որոնք ՀՀ-ԵՄ արժեքահեն գործընկերության եւ ռազմավարական օրակարգի կարեւոր մաս են կազմում: Համաձայնություն է ձեռք բերվել ժողովրդավարական գործընթացներին աջակցության նպատակով առկա հստակ մեխանիզմների շարունակականության եւ արդյունավետության ապահովման շուրջ»,- ասվում է ՀՀ ԱԳՆ հաղորդագրությունում:
Go to News Site