Fréttastofa RÚV
Við Sölkugötu í Mosfellsbæ er verið að byggja hús með nýrri aðferð. Hönnuðir aðferðarinnar vonast til að hægt verði að byggja hús mun hraðar og með ódýrari hætti en nú er gert. Aðalsteinn Snorrason arkitekt var einn af stofnendum teiknistofunnar Arkís, einnar stærstu teiknistofu landsins. Fyrir tveimur árum sagði hann sig úr eigendahópnum til að einbeita sér að eigin verkefni; hönnun og þróun nýrrar tegundar einingahúsa. „Þetta byrjaði þannig að í lok árs 2011 vorum við að leita að kerfi til að raða saman húsum. Við trúðum ekki öðru en að við fyndum slíkt kerfi en fundum það ekki.“ Það var því ekkert annað í stöðunni fyrir Aðalstein en að búa þetta kerfi til. Til þess fékk hann til liðs við sig Gaut Þorsteinsson verkfræðing. Búist er við því að húsið fari að taka á sig mynd í vor.
Go to News Site