میراڈونا کی موت کیا غفلت کی وجہ سے ہوئی؟ نیا ٹرائل شروع

فٹ بال کی دنیا کے بے تاج بادشاہ اور ارجنٹائن کے لیجنڈری کھلاڑی ڈیاگو میراڈونا کی موت کے تقریباً چھ سال بعد، ان کی دیکھ بھال پر مامور طبی عملے کے خلاف نئے ٹرائل کا باقاعدہ آغاز ہو گیا ہے۔ اس کیس نے ایک بار پھر عالمی توجہ حاصل کر لی ہے کیونکہ عدالت اب یہ طے کرے گی کہ آیا 2020 میں ہونے والی یہ موت محض ایک حادثہ تھی یا مجرمانہ غفلت کا نتیجہ۔ اس مقدمے میں سات ڈاکٹرز اور نرسز کو نامزد کیا گیا ہے جن پر الزام ہے کہ انہوں نے میراڈونا کی دماغی سرجری کے بعد ان کی صحت کی دیکھ بھال میں شدید غفلت برتی۔ استغاثہ کا موقف ہے کہ طبی عملے نے میراڈونا کو ان کے حال پر چھوڑ دیا تھا، جس کی وجہ سے ان کی حالت بگڑی اور بالآخر وہ 60 سال کی عمر میں حرکتِ قلب بند ہونے سے انتقال کر گئے۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) سماعت کے موقع پر میراڈونا کی سابق اہلیہ اور خاندان کے دیگر افراد شدید غم و غصے کی حالت میں نظر آئے۔ سابق اہلیہ نے میڈیا سے مختصر بات کرتے ہوئے کہا: ’مجھے صرف انصاف چاہیے، خدا کے لیے انصاف۔ میں اس وقت بات کرنے کی حالت میں نہیں ہوں، لیکن جو کچھ میں نے سنا وہ سب سچ نکلا۔ میں بہت زیادہ اداس ہوں۔‘ کیس کے اہم وکیل ماریو باؤدری نے عدالتی کارروائی کے حوالے سے بتایا کہ یہ عمل جذباتی طور پر بہت تکلیف دہ ہے۔ ان کا کہنا تھا کہ ملزمان اب اپنی جان بچانے کے لیے ایک دوسرے پر انگلیاں اٹھا رہے ہیں۔ ’عدالت میں ڈاکٹرز نے نرسوں پر غفلت کا الزام لگایا، جبکہ نرسوں نے تمام تر ذمہ داری ڈاکٹروں کے احکامات پر ڈال دی۔‘ ماہرین پر مشتمل میڈیکل بورڈ پہلے ہی ایک رپورٹ میں یہ کہہ چکا ہے کہ میراڈونا کا علاج "ناقص اور لاپرواہی" پر مبنی تھا۔ اگر جرم ثابت ہو گیا تو نامزد طبی عملے کو طویل قید کی سزا ہو سکتی ہے۔ فٹ بال شائقین اور میراڈونا کا خاندان پرامید ہے کہ اس نئے ٹرائل سے وہ تمام حقائق سامنے آ جائیں گے جو اب تک پردہِ اخفا میں تھے۔ میراڈونا مقدمہ ارجنٹائن اس مقدمے میں سات ڈاکٹرز اور نرسز کو نامزد کیا گیا ہے جن پر الزام ہے کہ انہوں نے میراڈونا کی دماغی سرجری کے بعد ان کی صحت کی دیکھ بھال میں شدید غفلت برتی۔ اے ایف پی بدھ, اپریل 15, 2026 - 14:30 Main image:

24 مارچ 2026 کو بیونس آئرس میں اسرائیلی سفارت خانے کے سامنے ایک مظاہرے کے دوران ارجنٹائن کے فٹ بال لیجنڈ ڈیاگو میراڈونا کو سرخ کارڈ اور ’اسرائیل کو ریڈ کارڈ دو‘ کے نشان کے ساتھ دکھایا گیا ہے، جو فوجی بغاوت کی 50ویں سالگرہ کے موقع پر ایک مظاہرے کا حصہ ہے (اے ایف پی)

فٹ بال jw id: nQAEKbiy type: video related nodes: میراڈونا کا ’خدا کے ہاتھ‘ والا گول اتنا مشہور کیسے ہوا؟ ارجنٹائن: میراڈونا کی یاد میں اڑتا میوزیم میراڈونا کی ’ہینڈ آف گاڈ‘ شرٹ ایک ارب روپے سے زائد میں فروخت کیا عظیم فٹبالر میراڈونا کو ’دل‘ کے بغیر دفن کیا گیا؟ SEO Title: میراڈونا کی موت کیا غفلت کی وجہ سے ہوئی؟ نیا ٹرائل شروع copyright: show related homepage: Hide from Homepage

Go to News Site