Fréttastofa RÚV
KA tók á móti Þrótti Reykjavík í fyrsta leik liðanna í úrslitaeinvígi Íslandsmóts karla í blaki. KA tók þar skref í áttina að titilvörn því liðið vann öruggan sigur 3-0. KA vann fyrstu hrinuna af öryggi, 25-17. Þróttur veitti meiri mótspyrnu í næstu tveimur hrinum. Önnur hrina fór 25-23 fyrir KA og sú þriðja 25-22. Þróttur endaði í fjórða sæti deildarinnar og liðið lagði deildarmeistara Hamars í undanúrslitum, 2-0. KA er ríkjandi Íslandsmeistari. Liðin mætast á sunnudag en vinna þarf þrjá leiki til að fagna titlinum. KA liðið fagnar titlinum í fyrra.Mummi Lú
Go to News Site