Kajgana
Соган долма: Традиционален турски рецепт за полнет кромид Филип Здравески 16.04.2026 / 15:41 Рецепти Подгответе соган долма според традиционален турски рецепт и почестете го вашето семејство со ова вкусно главно јадење. Невообичаено на прв поглед, но по првиот залак станува јасно зошто соган долмата е омилено јадење во многу домаќинства во Турција. Сочните слоеви кромид, полни со ароматично месо и зачини, стануваат меки, слатки и совршено се мешаат со богатиот доматен сос за време на печењето. Ова јадење бара малку трпение при подготовката, но резултатот е пол погодок за семеен ручек. Изберете поголеми главици кромид: Поголемиот кромид полесно се дели на слоеви и полесно се полни, што заштедува време и нерви. Потребни состојки: 1 кг кромид 750 гр мелено месо 6 лажици ориз 4 лажици масло 1 лажица брашно 500 мл сок од домати 200 мл вода црвена пипер сол бибер суви зачини оригано босилок Подготовка: Излупете ги главиците кромид и кратко бланширајте ги во топла вода за да омекнат и полесно да ги одделите во слоеви. Кога ќе се изладат, внимателно одделете ги листовите и подгответе ги за полнење. Одделете ги искинатите и помалите парчиња за да ги користите за филот. Во сад измешајте го меленото месо, измиениот ориз, зачините, преостанатиот бланширан кромид и малку масло. Добро измешајте сè за состојките да бидат рамномерно распоредени. Наполнете го секој слој кромид со подготвената смеса и формирајте мали пакетчиња. Наредете ги во намастен плех за печење. Во посебен сад измешајте го сокот од домати, водата, брашното и зачините, па прелијте ги превитканите долми. Печете во претходно загреана рерна на 200 степени околу 30 минути, додека јадењето убаво не порумени и вкусовите не се соединат. рецепт кромид Автор/Извор Ф.З. Прикажи во метро On
Go to News Site