A mund ndërhyrja e qeverive dhe kufizimi i çmimeve t’i mbrojë qytetarët nga çrregullimet në treg?

Me një efekt zinxhir, konflikti në Lindjen e Mesme dhe çrregullimet në çmimin e naftës në nivel global janë reflektuar edhe në rritjen e çmimeve të karburanteve, por edhe të produkteve të tjera në rajon. Qeveritë kryesisht kanë ndërmarrë masa për kufizimin e çmimeve të karburanteve, ndërsa në Kuvendin e Kosovës është në pritje për miratim edhe një ligj për kufizimin e çmimeve të produkteve bazë. Analistët theksojnë se ndërhyrja e qeverive në treg dhe kufizimi i disa çmimeve është i arsyeshëm në raste krizash për të mbrojtur standardin e jetesës së qytetarëve, por nuk duhet të jetë afatgjatë, pasi përbën ndërhyrje në ekonominë e tregut që rregullohet nga parimi i ofertës dhe kërkesës. Si masa të përshtatshme përmendin uljen e akcizës për karburantet dhe TVSH-së.

Go to News Site