Kajgana
Пожар ги уништи соблекувалните на Базел Филип Здравески 16.04.2026 / 20:35 Фудбал Швајцарскиот клуб Базел ги објави првите фотографии и нови детали за пожарот што избувна минатиот петок во соблекувалните на Сент Јакоб-Парк. Штетата е огромна, а поради инцидентот, лигашкиот натпревар против Тун, кој требаше да се игра минатиот викенд, исто така беше одложен. Во пожарот нема повредени, пишува bluewin.ch. Пожарот избувна во петокот вечерта, а го изгаснаа професионални пожарникари и волонтери од Базел. „Целата опрема за фудбалерите, материјали за тренинг, тренерска опрема – сè е изгубено“, изјави портпаролот на клубот Симон Валтер во саботата. Клубот во средата објави дека првите официјални истраги, завршени до вторник наутро, покажаа дека пожарот започнал во просторот на сауната. Крилото А, кое ја вклучува клучната инфраструктура на клубот, како што се соблекувални, тренерски канцеларии, физиотерапија, складирање на опрема и велнес зона, се смета за целосно уништена. Иако пожарот беше претежно ограничен на сауната и соседните простории, остатокот од крилото претрпе непоправлива штета. Во крилото Б, каде што се наоѓаат медиумската зона, гостинската соблекувална и просторијата за контрола на допинг, штетата исто така е обемна. Сепак, клубот се надева дека барем дел од тој простор би можел да се спаси, а подетални наоди се очекуваат во наредните недели. ℹ️ ?????? ??? ????? ?? ???????????? Am späten Freitagabend, 10. April 2026, ereignete sich im Kabinentrakt der 1. Mannschaft des FC Basel 1893 im St. Jakob-Park aus noch nicht vollständig geklärten Gründen ein Brand. Die ersten behördlichen… pic.twitter.com/Yi2dn7SeRG — FC Basel 1893 (@FCBasel1893) April 15, 2026 Во Базел проценуваат дека уништените простории нема да можат да се користат до крајот на сезоната. „Главен приоритет на клубот сега е да се обезбеди играње на преостанатите три домашни натпревари во тековната сезона“, соопшти клубот, додавајќи дека интензивно работат на наоѓање соодветни алтернативни решенија. Базел е еден од најтрофејните швајцарски клубови, со 20 освоени титули во лигата и 13 освоени купови. пожар Базел Автор/Извор Макфакс/Кајгана Прикажи во метро Off
Go to News Site