Fréttastofa RÚV
Donald Trump Bandaríkjaforseti segir Írana hafa samþykkt að afhenda Bandaríkjamönnum úraníumbirgðir sínar. „Þeir hafa fallist á að láta okkur fá kjarnorkurykið aftur,“ sagði Trump á blaðamannafundi í Hvíta húsinu í dag og vísaði þar með til úraníumbirgða Íran sem Bandaríkin hafa sagt að hægt sé a nýta í framleiðslu kjarnorkuvopna. „Það er mjög líklegt að við náum samkomulagi,“ sagði Trump. Fyrr í dag fullyrti forsetinn að samkomulag hefði náðst um tíu daga vopnahlé milli Ísraels og Líbanon. Á Truth Social segist hann hafa rætt við Joseph Aoun, forseta Líbanons, og Benjamin Netanyahu, forsætisráðherra Ísraels, og þeir ætli að hittast í Washington í næstu viku.
Go to News Site