پاکستان: کوہاٹ میں ’تیل کے سب بڑے‘ کنویں سے پیداوار شروع

پاکستان میں پیٹرولیم ڈویژن کے مطابق خیبر پختونخوا کے ضلع کوہاٹ میں ملک کے سب سے زیادہ تیل پیدا کرنے والے کنویں سے کمرشل مقاصد کے لیے تیل نکالنے کا آغاز کر دیا گیا ہے۔ اس حوالے سے ہونے والی تقریب میں وزیر پٹرولیم علی ہرویز ملک مہمان خصوصی تھے۔ وزارت پیٹرولیم کے مطابق نشپا بلاک بارگزئی ون کے اس کنویں کی یومیہ پیداوار 15 ہزار بیرل ہے، جو ملک میں کسی بھی واحد کنویں سے حاصل ہونے والی سب سے زیادہ پیداوار ہے جس سے ماہانہ تقریباً پانچ ارب روپے آمدنی کی توقع ہے۔ پٹرولیم ڈویژن کا کہنا ہے کہ تیل کے علاوہ اس کنویں سے گیس کی پیداوار یومیہ 17 ملین مکعب فٹ جب کہ ایل پی جی کی یومیہ پیداوار 15 میٹرک ٹن ہے۔ پاکستان پیٹرولیم لمیٹڈ جو اس بلاک میں سرکاری کمپنی آئل اینڈ گیس ڈیولپمنٹ لمٹڈ کت ساتھ شراکت دار ہے، کے مطابق اس بلاک میں تیل کے ذخائر 2009 میں دریافت ہوئے تھے اور 2019 میں کھدائی کا آغاز کر دیا گیا تھا، جس کے بعد اب اس سے کمرشل مقاصد کے لیے تیل و گیس نکالنے کا کام شروع ہو گیا ہے۔ وزارت پٹرولیم کے مطابق مستقبل میں اس کنویں سے یومیہ تیل کی پیداوار 25 ہزار بیرل تک پہنچنے کی توقع ہے۔ وزیر پٹرولیم علی پرویز ملک نے بتایا کہ اس کنویں سے روزانہ 15 کروڑ روپے اور ماہانہ چار ارب سے زائد آمدن متوقع ہے جس سے زرمبادلہ پر سالانہ 319 ملین ڈالر کا دباؤ کم ہو سکتا ہے یعنی تیل کی درامدآت کی مد میں خرچ ہونے والی رقم میں کمی آئے گی۔ وزارت پیٹرولیم کے مطابق نشپا بلاک بارگزئی ون کے کنویں سے تیل کی پیداوار سے ماہانہ تقریباً پانچ ارب روپے آمدنی کی توقع ہے (انڈپینڈنٹ اردو) پاکستان کتنا تیل پیدا کرتا ہے؟ پاکستان میں تیل کا یومیہ استعمال تقریباً چار لاکھ 60 ہزار بیرل ہے، جب کہ ملک میں تیل کی یومیہ پیداوار عارف حبیب لمیٹڈ کے مطابق 67 ہزار بیرل ہے، جس میں تقریباً 40 فیصد خیبر پختونخوا کے تیل کے ذخائر سے حاصل کی جاتی ہے۔ ملک میں نکلنے والی گیس میں خیبر پختونخوا کا حصہ 13 فیصد ہے۔ خیبر پختونخوا کے تیل کے ذخائر سے روزانہ تقریباً 27 ہزار بیرل تیل نکالا جاتا ہے۔ صوبے میں یومیہ استعمال تقریباً 35 ہزار بیرل ہے۔ ملک کی مجموعی استعمال یومیہ چار لاکھ 60 ہزور بیرل سے زائد ہے اور طلب پورا کرنے کے لیے تیل دیگر ممالک سے درامد کیا جاتا ہے۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) پاکستان میں مجموعی پیداوار میں سب سے زیادہ تیل اعدادوشمار کے مطابق کوہاٹ کے بارگزئی ناشپا بلاک سے نکالا جاتا ہے جو تقریباً یومیہ 11 ہزار بیرل ہے اور ملک کی مجموعی پیداوار کا 10 فیصد ہے۔ دوسرے نمبر پر سب سے زیادہ تیل عارف حبیب لمٹڈ کے اعدادوشمار کے مطابق خیبر پختونخوا کے ہنگو، کوہاٹ اور کرک سے جڑے ٹل بلاک کے ماکوڑی کنویں سے نکالا جاتا ہے جس کی یومیہ پیداوار پانچ ہزار 700 بیرل سے زیادہ ہے۔ تیسرے نمبر پر سب سے زیادہ تیل سندھ کے ضلع ٹنڈو الہ یار کے کنر پاساکھی میں واقع کنویں سے نکالا جاتا ہے جس کی یومیہ پیداوار پانچ ہزار پانچ سو بیرل کے قریب ہے۔ تیل تیل کا بحران آئل ٹینکرز تیل سمگلنگ کوہاٹ وزارت پیٹرولیم کے مطابق نشپا بلاک بارگزئی ون کے اس کنویں کی یومیہ پیداوار 15 ہزار بیرل ہے۔ اظہار اللہ جمعہ, اپریل 17, 2026 - 09:00 Main image:

وزارت پیٹرولیم کے مطابق نشپا بلاک بارگزئی ون کے اس کنویں کی یومیہ پیداوار 15 ہزار بیرل ہے (انڈپینڈنٹ اردو)

معیشت jw id: qCaoGamP type: video related nodes: تیل موجود ہے، متعین نرخوں پر فروخت یقینی بنائیں: شہباز شریف تیل کے ذخیرہ اندوزوں کے خلاف کارروائی کریں: شہباز شریف ایران جنگ: تیل کی قیمت 100 ڈالر فی بیرل ہونے کا خدشہ بلوچستان میں عسکریت پسند تیل کی سمگلنگ سے روزانہ 4 ارب روپے کماتے تھے: وزیر دفاع SEO Title: پاکستان: کوہاٹ میں ’تیل کے سب بڑے‘ کنویں سے پیداوار شروع copyright: show related homepage: Hide from Homepage

Go to News Site