Kajgana
Германците може да им го украдат на Шпанците петтиот претставник во ЛШ Филип Здравески 17.04.2026 / 11:04 Фудбал Познати се сите полуфиналисти во трите европските купови, Англичаните веќе го обезбедија првото место во коефициентот на земјите на УЕФА оваа сезона и со тоа 5 претставници во Лигата на шампионите (26.569), но Шпанците, со елиминациите на Бетис и Селта, ја загрозија својата втора позиција, што исто така носи еден претставник повеќе во елитното натпреварување. Знаеја на Пиринеите дека ќе останат без петти учесник во полуфиналето бидејќи Барселона и Атлетико играа еден против друг, но се надеваа дека ќе останат со четири претставници, а се покажа дека само „Јорганџиите“ од Мадрид и Рајо Ваљекано ќе ја бранат таа втора позиција од нападот на германските екипи. Разликата значително се намали бидејќи во два двобоја германските екипи по двапати ги победија шпанските. Освен Баерн, кој со 2:1 и 4:2 го совлада Реал Мадрид во Лигата на шампионите, Фрајбург со 3:0 и 3:1 ја победи Селта во Лига Европа. Клубовите од Шпанија имаат освоено 21.405 бодови, а Германците 21.214. Португалците се исто така блиску (20.100), но теоретски би биле втори само ако Брага направи чудо и ја освои Лига Европа со три победи (би освоиле 1,6 бодови за Португалија), а шпанските и германските клубови бидат елиминирани со сите порази. Тоа би било чудо, па затоа е пореално Шпанците и Германците да се соочат со пресметка на крајот. Race for an extra Champions League spot! Spain are just 0.191 points ahead of Germany ahead of the Semifinals! ❌ Spain down to two clubs! ❌ Germany down to two clubs! pic.twitter.com/X8Q042JPG2 — Football Rankings (@FootRankings) April 16, 2026 Моментално петти на табелата во Бундеслигата е Баер Леверкузен, но има само бод повеќе од шестиот Хофенхајм, а четири помалку од Лајпциг и Штутгарт. Во Ла Лига првите четири на табелата имаа солидна предност, додека петти е Бетис со два повеќе од Селта и 4 односно 5 од Реал Сосиедад и Хетафе. Англичаните имаат 4 учесници во полуфиналето - Арсенал (Лига на шампиони), Нотингем Форест и Астон Вила (Лига Европа) и Кристал Палас (Конференциска лига), Шпанците имаат 2 - Атлетико (Лига на шампиони), Рајо Ваљекано (Конференциска лига), како и Германците - Баерн (Лига на шампиони), Фрајбург (Лига Европа) и Французите - ПСЖ (Лига на шампиони), Стразбур (Конференциска лига). Португалците имаат еден клуб - Брага (Лига Европа), како и Украинците - Шахтар (Конференциска лига). Champions League - SF: PSG VS BAYERN MUNICH ATLÉTICO MADRID VS ?????? ARSENAL ? Europa League - SF: BRAGA VS FREIBURG ?????? FOREST vs ?????? ASTON VILLA ? Conference League - SF: SHAKHTAR VS ?????? CRYSTAL PALACE RAYO VALLECANO VS STRASBOURG pic.twitter.com/RHrGDj7LvB — Football Rankings (@FootRankings) April 16, 2026 Лига на шампиони Автор/Извор Ф.З. Прикажи во метро On
Go to News Site