Առնո Տեր-Սահակովը նվաճել է Աննապուրնա լեռան գագաթը

Երեւան: Մեդիամաքս: Առնո Տեր-Սահակովը դարձել է պատմության մեջ առաջին հայը, որը նվաճել է Աննապուրնան (8091 մետր), որը համարվում է Հիմալայների ամենավտանգավոր գագաթներից մեկը: Առնո Թեր-Սահակովը Աննապուրնայի գագաթին է կանգնել այսօր առավոտյան: Նա նաև դարձել է պատմության մեջ առաջին հայը, որի «հավաքածուում» արդեն կա երեք լեռ, որոնք բարձր են 8 000 մետրից: 2023 թվականի հուլիսին Առնո Տեր-Սահակովը բարձրացել էր աշխարհի երկրորդ գագաթ K2-ը (8611 մետր), իսկ 2019 թվականին նվաճել էր աշխարհի ամենաբարձր գագաթը՝ Էվերեստը (8848 մետր)։ Առնո Տեր-Սահակովը ղեկավարում է Alida turs զբոսաշրջային ընկերությունը, Լատվիայի հայ համայնքի ղեկավարներից մեկն է։

Go to News Site