Independent Urdu
پاکستان سمیت 12 ملکوں کے وزرائے خارجہ نے ہفتے کو اسرائیل کی جانب سے نام نہاد ’صومالی لینڈ‘ میں سفارتی نمائندے کی تقرری کے اعلان کی شدید مذمت کرتے ہوئے اسے صومالیہ کی ’خودمختاری، اتحاد اور علاقائی سالمیت‘ کی ’صریح خلاف ورزی‘ قرار دیا ہے۔ اسرائیل نے گذشتہ برس صومالیہ کے علیحدگی پسند خطے صومالی لینڈ کو آزاد اور خود مختار ریاست کے طور پر باضابطہ تسلیم کرنے کا اعلان کیا تھا، جسے صومالیہ نے غیر قانونی اور اس کی خود مختاری پر دانستہ حملہ قرار دیا ہے جبکہ پاکستان سمیت متعدد مسلم ممالک نے اس کی شدید مذمت کی ہے۔ پاکستان، مصر، صومالیہ، سوڈان، لیبیا، بنگلہ دیش، الجزائر، سعودی عرب، فلسطین، ترکی، انڈونیشیا اور کویت کے وزرائے خارجہ کی جانب سے ہفتے کو جاری کیے گئے مشترکہ بیان میں اسرائیلی سفارتی نمائندے کی تقرری کے اعلان کی مذمت کرتے ہوئے ’ریاستوں کے اتحاد کو کمزور کرنے یا ان کی خودمختاری میں مداخلت کرنے والے تمام یکطرفہ اقدامات کو دوٹوک طور پر مسترد کرنے کے مؤقف کا اعادہ‘ کیا گیا۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) وزرائے خارجہ نے صومالیہ کے اتحاد، خودمختاری اور علاقائی سالمیت کے لیے اپنی مضبوط اور غیر متزلزل حمایت کا اعادہ کیا اور اس کے جائز ریاستی اداروں کی حمایت کی، جو صومالی عوام کی خواہشات کے واحد نمائندہ ہیں۔ وزرائے خارجہ نے اس بات پر بھی زور دیا کہ ’ایسے اقدامات بین الاقوامی قانون کے اصولوں، اقوام متحدہ کے منشور اور افریقی یونین کے بنیادی ایکٹ کی کھلی خلاف ورزی ہیں۔‘ بیان میں اسے ’ایک خطرناک مثال‘ قرار دیتے کہا گیا کہ ایسے اقدامات ’ہارن آف افریقہ کے خطے میں استحکام کو نقصان پہنچانے کا خطرہ رکھتی ہے، جس کے نتیجے میں مجموعی طور پر علاقائی امن و سلامتی پر منفی اثرات مرتب ہوتے ہیں۔‘ صومالیہ اسرائیل پاکستان سمیت 12 ملکوں کے وزرائے خارجہ نے ہفتے کو اسرائیل کی جانب سے نام نہاد ’صومالی لینڈ‘ میں سفارتی نمائندے کی تقرری کے اعلان کی شدید مذمت کرتے ہوئے اسے صومالیہ کی ’خودمختاری، اتحاد اور علاقائی سالمیت‘ کی ’صریح خلاف ورزی‘ قرار دیا ہے۔ انڈپینڈنٹ اردو ہفتہ, اپریل 18, 2026 - 23:00 Main image:
ہرگیسہ کے وسطی علاقے میں 26 دسمبر 2025 کو اسرائیل کی جانب سے صومالی لینڈ کو ریاست کے طور پر تسلیم کرنے کے اعلان کے بعد جشن منانے کے لیے جمع ہونے والے رہائشی صومالی لینڈ کے جھنڈے لہرا رہے ہیں (اے ایف پی)
پاکستان type: news related nodes: صومالی لینڈ کو تسلیم کرنا اسرائیل کا صومالیہ پر حملہ: پاکستان صومالی لینڈ پر او آئی سی اجلاس، پاکستان بھی شریک اسرائیلی اہلکار صومالی لینڈ میں، پاکستان سمیت کئی کی مذمت پاکستان+20 ممالک کا صومالی لینڈ کو تسلیم کرنے کا اسرائیلی قدم مسترد SEO Title: پاکستان سمیت 12 ممالک کی ’صومالی لینڈ‘ میں اسرائیلی سفارتی نمائندے کی تقرری کی مذمت copyright: show related homepage: Show on Homepage Go to News Site