HK vann oddahrinu og er einum sigri frá titlinum

HK leiðir 2-0 gegn KA í úrslitaeinvígi um Íslandsmeistaratitil kvenna í blaki. Annar úrslitaleikur fór fram á Akureyri í dag og var hin mesta skemmtun. HK vann fyrsta leikinn í einvíginu 3-1. KA vann fyrstu tvær hrinur leiksins í dag en HK vann næstu tvær og við tók oddahrina. HK vann oddahrinuna 15-10 og leikinn þar með 3-2. HK-konur eru eftir úrslit dagsins aðeins einum sigri frá Íslandsmeistaratitlinum, sem þær geta tryggt sér með sigri á miðvikudag í Kópavogi.

Go to News Site