“Zineman irudimena iristen ez den lekuetara iritsi behar da musika, beste narratiba geruza batzuk bilatu behar dira”

Aranzazu Calleja (Bilbo, 1977) musikagileak jasoko du Fant jaialdiaren ohorezko saria aurten. Film entzutetsu ugaritarako musika idatzi du azken urtetan, eta ibilbide oparo hori aitortuko diote sariarekin. Unibertsitatean Arte Ederrak ikasi, eta Bilboko kontserbatorioan biolin ikasketak burutu ostean beka bat eskuratu zuen Bostongo Berklee College of Music-era joateko, musika zinematografikoan espezializatzera. Egonaldi laburra egin zuen han, alta, ordutik ibilbide luzea gauzatzen ari da zinemagintzaren sektorean. Azken 11 urteetan musikoterapia eta musika zinematografikoa uztartu ditu, baina egun soinu bandak sortzeari dedikatzen dio denbora bereziki. Norma Vila zuzendari bilbotarraren Salitre lehen filmaren soinu bandan eta Moriartitarren proiektu berrian ari da lanean.

Go to News Site