Ազատություն
Իրանի արտաքին գործերի նախարարությունից այսօր հայտարարել են, որ դեռևս որոշում չի կայացվել՝ մասնակցե՞լ ԱՄՆ-ի հետ բանակցությունների հաջորդ փուլին, թե ոչ։ «Այս պահին մենք բանակցությունների հաջորդ փուլի ծրագրեր չունենք, և այս առումով որևէ որոշում չի կայացվել», - ճեպազրույցի ժամանակ ասել է նախարարության խոսնակ Էսմայիլ Բաղային: Բաղային հավելել է, թե ԱՄՆ-ն ցույց է տվել, որ «լուրջ չէ» դիվանագիտական գործընթացը շարունակելու հարցում: Իրանի ԱԳՆ խոսնակը հայտարարել է, որ Թեհրանը հստակորեն արտահայտել է իր պահանջները և չի փոխելու դրանք: Իրանի և ԱՄՆ-ի միջև երկշաբաթյա հրադադարի ժամկետը լրանալու է չորեքշաբթի օրը: ԱՄՆ նախագահը հայտնել էր, որ Միացյալ Նահանգների ներկայացուցիչներն այսօր կժամանեն Իսլամաբադ՝ Իրանի հետ բանակցություններ վարելու:
Go to News Site