Kajgana
Земјотрес од 7,5 степени ја погоди Јапонија, предупредување за цунами Александра Спасеска 20.04.2026 / 13:15 Свет Земјотрес со јачина од 7,5 степени ја погоди областа долж североисточниот брег на Јапонија, соопшти Јапонската метеоролошка агенција. Хипоцентарот на земјотресот се наоѓа крај брегот Санрику, на истокот од земјата, на длабочина од 10 километри. Предупредување за цунами е издадено и за делови од североисточниот дел на земјата. На жителите им е кажано „веднаш да се евакуираат“. Првите цунами бранови стигнаа до брегот на Јапонија, а според локалната метеоролошка агенција, највисокиот измерен бран досега достигна 80 сантиметри. The first waves have started hitting the coast of Japan, with the biggest so far recorded at 80cm, according to the country's meteorological agency. Sky's @HelenAnnSmith0 has the latest https://t.co/H9NV9rKG2o Sky 501, Virgin 602, Freeview 233 and YouTube pic.twitter.com/9V3Y9xS0hl — Sky News (@SkyNews) April 20, 2026 „Според првичните извештаи, има потврдени човечки жртви и материјална штета. Сега ќе собереме детални информации врз основа на кои ќе ги координираме сите активности за одговор на катастрофи“, изјави јапонскиот премиер Санае Такичи. Главниот портпарол на јапонската влада изјави дека засега нема извештаи за повредени или поголеми штети. Агенцијата за противпожарна заштита и управување со катастрофи даде слична изјава, потврдувајќи дека нема пријави за штети или повредени, вклучително и во електраните и другите објекти. Тие додадоа дека службените лица продолжуваат да ја проценуваат ситуацијата на терен. Дирекцијата за нуклеарна регулатива соопшти дека нуклеарните централи и поврзаните објекти во регионот се неоштетени и дека не се пронајдени никакви неправилности. По земјотресот што ја погоди Јапонија, на островот Хокаидо е на сила предупредување за цунами, а властите ги повикуваат жителите да се евакуираат на повисоки места. Предупредувањата се пренесуваат преку јавни звучници, пишува BBC. EARTHQUAKE AND TSUNAMI WARNING IN JAPAN 7.4 magnitude earthquake hit Hokkaido, Aomori, and Iwate in Japan. Tsunami alert of 3m issued in Iwate and Hokkaido. Fishing boats are relocating. #Earthquake #TsunamiWarning #Japan https://t.co/daffDhGiUh pic.twitter.com/74dFNyhOPf — India Strikes YT (@IndiaStrikes_) April 20, 2026 Меѓу жителите е и Чав Су Тве, државјанка на Мјанмар која се преселила во Јапонија поради работа по воениот удар во нејзината татковина во 2021 година. Таа ја опишала ситуацијата на терен за BBC. „Штом го слушнавме алармот за земјотрес, сите се стрчавме по скалите. Сепак, овој пат тресењето беше релативно слабо“, рече таа. „Локалните власти моментално користат звучници во соседството за да ги предупредат луѓето за можно цунами и да ги повикаат да останат внимателни. На канцелариските работници им е дозволено да ја напуштат работата порано“, додаде таа. „На работа, нашиот шеф ни рече да бидеме внимателни и да им се јавиме ако се случи нешто“, рече Чав Су Тве. Јапонската војска распореди војници во делови од земјата откако беше издадено предупредување за цунами. #岩手駐屯地 #震度５弱 #津波警報 岩手駐屯地は、４月２０日（月）16：53三陸沖で発生した最大震度５強の地震による津波警報発令にともない、17：26岩手県庁に情報収集のため出発しました。 pic.twitter.com/uxtdHBmwhV — 陸上自衛隊岩手駐屯地 (@Gsdf_Camp_Iwate) April 20, 2026 Фотографии од членови на гарнизонот Ивате кои се подготвуваат да се иселат „за да соберат информации“ беа објавени на социјалната мрежа X. Гарнизонот потврди дека се селат „како одговор на предупредувањето за цунами“. #４月２０日 （月）１６時５３分頃の地震発生に伴い、八戸駐屯地の各部隊は、速やかに指揮所を開設するとともに、被災地域の被災状況の情報収集をしています。 #陸上自衛隊 #陸自八戸 #八戸駐屯地 #災害派遣 #津波 pic.twitter.com/0F2EWblG5Q — 陸上自衛隊八戸駐屯地【公式】 (@hachinohe_camp) April 20, 2026 Гарнизонот Хачинохе во префектурата Аомори, исто така, спроведува слични активности. Таа соопшти дека „итно воспоставил команден пункт“ и дека „собира информации за ситуацијата во погодените области“. Јапонската метеоролошка агенција предупреди дека земјотреси со слична јачина како денешниот, кој имаше јачина од 7,5 степени, би можеле да го погодат истото подрачје во текот на следната недела. Издавањето вакви предупредувања е вообичаена практика по големи земјотреси. Властите ги повикаа граѓаните да бидат внимателни поради ризикот од лизгање на земјиштето и можни потреси подоцна во текот на неделата. Тие, исто така, предупредија дека по првиот бран цунами може да следи уште еден, потенцијално поголем бран. Јапонија Автор/Извор А.С. Прикажи во метро On
Go to News Site