Гледач загина во рели трка откако автомобил со полна брзина се заби во публика

Гледач загина во рели трка откако автомобил со полна брзина се заби во публика Филип Здравески 20.04.2026 / 15:16 Останати спортови Еден гледач загина, а двајца други беа повредени во ужасна несреќа што се случи за време на релито Судамерикано во Аргентина во неделата, соопшти Меѓународната автомобилска федерација (ФИА). Видео снимките покажуваат како возилото удира во насип пред да се преврти во зоната за гледачи во Кордоба, Аргентина. Возачот Дидје Ариас и совозачот Ектор Нуњес поминаа без сериозни повреди, според извештаите на медиумите. „ФИА е длабоко ожалостена од трагичниот инцидент што се случи денес за време на второто коло од шампионатот ФИА CODASUR во релито Судамерикано Мина Клаверо, во кој еден гледач го загуби животот, а двајца други беа повредени“, се вели во соопштението на ФИА. ФИА ќе им даде целосна поддршка на организаторите на релито Судамерикано Мина Клаверо, Аргентинската автомобилска асоцијација (ACA) и надлежните локални власти во нивната истрага за инцидентот. Несреќата се случи еден ден откако загина возачот Јуха Миетинен, а шестмина други беа повредени во несреќа за време на квалификациите за ADAC 24h Нирбургринг. Имајте предвид дека видеото е вознемирувачко и можеби не е за секого, иако моментот кога човекот е убиен не е јасно видлив. Доколку сепак сакате да го погледнете, еве две снимки од различен агол: Remote video URL Remote video URL автомобилизам Аргентина Автор/Извор Ф.З. Прикажи во метро On

Go to News Site