Kurir
Кина ги намали максималните малопродажни цени на бензинот и дизелот за првпат оваа година, откако глобалните цени на нафтата паднаа од нивниот врв за време на војната меѓу Иран и Ирак. Кинеската Национална комисија за развој и реформи (NDRC) објави дека цените на бензинот ќе бидат намалени за 555 јуани по тон (околу 72 евра), а на дизелот за 530 јуани (околу 69 евра). Промената, која стапува на сила на 22 април 2026 година, одразува стабилизација на пазарот по особено турбулентниот март. По намалувањето, просечната цена на бензинот во Кина е околу 9,56 јуани на литар (околу 1,24 евра), додека дизелот се продава по околу 8,59 јуани на литар (околу 1,11 евра). За возачите, ова значи директна заштеда од околу три евра при полнење резервоар од 50 литри. Цените на горивата во Кина претходно се зголемија три пати од март, откако американските и израелските напади врз Иран кон крајот на февруари предизвикаа нагло зголемување на цените на нафтата. Во тој период, цените опасно се приближија до 10 јуани за литар, познато во Кина како „ера на 9 јуани“, но владината интервенција и ограничувањата на растот спречија понатамошен удар врз џебовите на потрошувачите.
Go to News Site