Valur í úrslit - ÍBV tók forystuna gegn Haukum

Valur vann Fram í kvöld í þriðja leik liðanna í undanúrslitum Olísdeildar kvenna. Valskonur unnu alla þrjá leikina í einvíginu og eru komnar í úrslit. Í hinu einvíginu mættust ÍBV og Haukar í Vestmannaeyjum. Þar var gríðarleg spenna og var leikurinn framlengdur. Eftir mikla rimmu vann ÍBV eins marks sigur, 38-37. Staðan í einvígi liðanna er nú 2-1 fyrir ÍBV. Fjórði leikur liðanna er á laugardag í Hafnarfirði og sá fimmti í eyjum á þriðjudag ef á þarf að halda. Arna Karítas Eiríksdóttir og liðsfélagar í Val eru komnar í úrslit Olísdeildarinnar.RÚV / Mummi Lú

Go to News Site