ပုသိမ်ကြီးမြို့နယ်တွင် မိုးရွာသွန်းပြီး လေပြင်းတိုက်၊

Credit to Popular Journal - မန္တလေး-ပြင်ဦးလွင် ကားလမ်းရှိ သစ်ပင်များလဲကျပြီး လမ်းပိတ်မှုများ ရှင်းလင်းပြီးဖြစ် မန္တလေးတိုင်းဒေသကြီး ပုသိမ်ကြီးမြို့နယ်အတွင်း ယမန်နေ့ ညပိုင်းက မိုးရွာသွန်းပြီး လေပြင်းတိုက်ခတ်သဖြင့် သမ္မတောကျေးရွာနှင့် ကျောက်မီးကျေးရွာကြားရှိ မန္တလေး-ပြင်ဦးလွင် ကားလမ်း လမ်းလယ်ကျွန်းနှင့် လမ်းဘေးဝဲယာရှိ သစ်ပင်များလဲကျပြီး လမ်းပိတ်မှုဖြစ်ပွားခဲ့ကြောင်း မြန်မာနိုင်ငံမီးသတ်ဦးစီးဌာနက သိရသည်။ အဆိုပါ လမ်းပိတ်နေမှုကို ခရိုင်မီးသတ်စခန်း၊ ပုသိမ်ကြီးမြို့နယ် မီးသတ်စခန်း၊ ချမ်းမြသာစည် မြို့နယ် မီးသတ်စခန်းတို့က အဖွဲ့ဝင်များ သွားရောက်ရှင်းလင်းခဲ့ပြီး ယနေ့ ၅နာရီအချိန်တွင် လုပ်ငန်းများ ဆောင်ရွက်ပြီးဖြစ်ကြောင်း သိရသည်။ ထို့အတူ ကျောက်မီးကျေးရွာတွင် သစ်ပင်လဲကျ၍ နေအိမ်တစ်လုံးပေါ်သို့ ပိမိနေပြီး ရှင်လင်းရေးလုပ်ငန်းများလည်း ဆောင်ရွက်ခဲ့ရာ လူထိခိုက်ဒဏ်ရာရရှိမှု မရှိကြောင်း သိရသည်။ The post ပုသိမ်ကြီးမြို့နယ်တွင် မိုးရွာသွန်းပြီး လေပြင်းတိုက်၊ appeared first on Popular .

Go to News Site