ViuTV十週年推出5大重磅企劃 李佳芯倒戈拍港版《悠長假期》 MIRROR團綜2026回歸

ViuTV開台10週年果然唔係講笑，昨日（23日）喺節目巡禮上投下多個震撼彈，當中最大嘅爆點，莫過於宣布將翻拍木村拓哉經典神劇《悠長假期》，而女主角竟然係啱啱離巢TVB嘅視后李佳芯（Ali）！Ali首度「倒戈」ViuTV，仲要拍住人氣王呂爵安（Edan），呢個組合簡直係夢幻級數，消息一出即刻引爆全城熱話。除咗呢個王炸組合，ViuTV更晒冷式公布其餘4大重磅企劃，包括Anson Lo主演港版《金秘書為何那樣》、全新直播綜藝、同銀河映像嘅暗黑合作！ 李佳芯倒戈ViuTV 孖Edan挑戰木村神劇 全場最轟動嘅消息，絕對係ViuTV已獲日本富士電視台正式授權，翻拍1996年播出、由木村拓哉同山口智子主演嘅神級日劇《悠長假期》。為咗慶祝原劇30週年，港版卡士陣容絕對係疊馬晒冷。男主角「瀨名」將由呂爵安（Edan）飾演，而女主角「小南」就搵嚟前TVB視后李佳芯（Ali）擔綱，呢次係Ali離巢後首次參演ViuTV劇集，話題性十足！另外，配角陣容亦相當強勁，江?生（AK）將會飾演Ali嘅細佬，而COLLAR成員蘇雅琳（Ivy So）就會扮演暗戀Edan嘅鋼琴學妹，新鮮感爆燈嘅組合令劇迷期待值瞬間拉滿。 Anson Lo再演韓劇 孖Ivy So挑戰《金秘書》 繼《社內相親》改編成功之後，ViuTV再次瞄準韓國經典IP，宣布正洽談開拍港版《金秘書為何那樣》。男主角「霸道副會長」李英俊一角，將由「教主」盧瀚霆（Anson Lo）出演，而完美能幹嘅「金秘書」就由Ivy So蘇雅琳擔任。值得一提嘅係，Ivy So今次可謂「雙線發展」，一邊要喺《悠長假期》做清純學妹，另一邊就要喺《金秘書》變身專業秘書，對佢嘅演技絕對係一大考驗。唔少粉絲都好期待教主同Ivy So呢對全新CP會擦出點樣嘅火花。 ViuTV黃金時段大改革 推出直播綜藝 為咗衝擊傳統電視台嘅黃金時段，ViuTV宣布將會喺下個月起推出全新1.5小時嘅直播綜藝節目《8.. 這篇文章 ViuTV十週年推出5大重磅企劃 李佳芯倒戈拍港版《悠長假期》 MIRROR團綜2026回歸 最早出現於 東方新地 。

Go to News Site