Kajgana
Џеко повторно тренира и ќе биде подготвен за Светско Александра Спасеска 24.04.2026 / 12:53 Фудбал Един Џеко (40) се врати на тренинзи откако заработи повреда на рамото на натпреварот против Италија на крајот на март. Закрепнувањето на Џеко оди според планот, а најдобар доказ за тоа е фактот што тој се врати на тренинзите на теренот. Засега работи индивидуално, но најважно е што процесот на рехабилитација напредува правилно. Шалке се надева дека Џеко би можел да биде подготвен за натпреварот против Нирнберг на 9 мај. Со оглед на тоа што веќе започна со тренинзи, можеби дури и ќе биде во конкуренција за натпреварот против Фортуна Дизелдорф на 2 мај. Секако, главен приоритет е неговото целосно закрепнување за да биде подготвен за Светското првенство. Неговиот клуб Шалке моментално е водечки тим во Втората Бундеслига со 61 бод, што е три бода повеќе од Падерборн, кој е на второто место. Падерборн е следниот противник на Шалке, а натпреварот се игра на гостински терен. Што се однесува до Светското првенство, репрезентацијата на Босна и Херцеговина е сместена во групата Б, заедно со Швајцарија, Катар и Канада. Првиот противник на БиХ ќе биде Канада, а натпреварот е закажан за 12 јуни во Торонто. Един Џеко Автор/Извор А.С. Прикажи во метро On
Go to News Site