日日健康 Healthy Days
《正義女神》劇集進入結局週，劇情推至最高潮，言官為拯救被控謀殺嘅繼女，竟然毅然放棄法官前途，重操故業轉做大律師，上演一幕「法官變律師」嘅極限操作，同司法體系正面硬撼！呢場結合母愛同公義嘅終極對決，加上謀殺案背後嘅驚天真相，絕對係結局週必睇嘅焦點。以下為大家整理《正義女神》結局週第21至25集劇情線上看懶人包，一齊追實呢場震撼全城嘅法庭激鬥！ 正義女神第21集劇情 佘詩曼為救女辭任法官 劇情一開始就嚟料！言惠知（佘詩曼 飾）慘遭彈劾，能否保住法官之位，關鍵一票竟然落喺一直同佢唔多啱key嘅方官手上，點知結果出乎所有人意料。正當大家以為可以鬆一口氣，更震撼嘅消息傳嚟，繼女天雪竟然暈倒入院，仲涉嫌謀殺景翔！愛女心切嘅言惠知為咗保護天雪，做出咗一個驚人決定，毅然辭去法官一職，轉以資深大律師身份為女辯護。而呢場官司嘅對手，竟然係佢嘅宿敵高淑樺（陳煒 飾），審理案件嘅更加係後輩鄭邵文（周嘉洛 飾），一場世紀對決蓄勢待發，但案中關鍵證人卻離奇失蹤，令案情更加撲朔迷離。 正義女神第22集劇情 佘詩曼揭警方合謀掩藏證據 言惠知同高淑樺喺法庭上正式交鋒，初段言惠知憑住對法律嘅熟悉佔盡上風，但老謀深算嘅淑樺好快就睇穿佢手上冇致命證據。為咗搵出真相，言惠知同前夫邱光正（譚耀文 飾）等人重返案發現場調查，竟然意外發現警方同背後勢力似乎有合謀隱藏證據嘅嫌疑！與此同時，天雪喺惡夢中驚醒，憶起案發時現場有「第三者」，手臂上仲有個獨特紋身。呢個重要線索令言惠知推斷，案件可能同當年轟動一時嘅「魏榮晉殺妻案」有關，要幫天雪脫罪，就必須要喺庭上證明警方搜證程序出現重大瑕疵！ 正義女神第23集劇情 陳煒出陰招阻天雪出獄 言惠知喺庭上成功證明警方破壞咗證物鏈嘅完整性，所有證據變得唔可信，天雪眼見就快可以無罪釋放。點知高淑樺喺呢個關鍵時刻竟然出陰招，成功令法庭宣布案件需要重審！言惠知深知必須改變辯護策略，而關鍵就係要搵出嗰個「紋身疑兇」。喺主任裁判官洪思義（許紹雄 飾）等人嘅協助下，案情終於見到曙光。但天雪卻因壓力爆煲而情緒崩潰，企圖輕生被送院，令言惠知同光正心痛不已。重審前，淑樺更發出最後通牒，約見言惠知進行認罪協商，但被言惠知一口拒絕，誓死唔會讓女兒承認冇做過嘅事，談判破裂，法庭上嘅戰火再次點燃！ 正義女神第24集劇情 天雪終無罪釋放 真兇另有其人.. 這篇文章 正義女神結局21至25集劇情線上看｜佘詩曼為救女辭任法官審死高成彬！ 最早出現於 東方新地 。
Go to News Site