ပေႃႉႁႅမ်လုၵ်ႈဢွၼ်ႇလဵၵ်ႉ ၺႃးတီႉၺွပ်းပၼ်တူတ်ႈတၢမ်ႇၶွၵ်ႈ

ၼႂ်းဝူင်ႈပူၼ်ႉမႃးၼႆႉ ၶလိပ်ႉဝီးတီးယူဝ်း ၼၢင်းယိင်းၵေႃႉၼိုင်ႈ ပေႃႉႁႅမ်လုၵ်ႈဢွၼ်ႇယိင်းႁၢဝ်ႈႁႅင်း ၽႄႈၸွတ်ႇမႃးၼိူဝ်သိုဝ်ႇတူင်ႇဝူင်း Social Media ထိုင်တီႈၵေႃႉပဵၼ်ပႃႈထုၵ်ႇဢဝ်လိူင်ႈပၼ်တူတ်ႈတၢမ်ႇ။ ဝၼ်းတီႈ 22/04/2026 ပႃႈပေႃႉႁႅမ်လၢၼ်ယိင်း တီႈပွၵ်ႉ ယၢၼ်ႇဢွင်ႇမျေႇ ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ- မီးၵူၼ်းထၢႆႇၶလိပ်ႉတၢင်ႇၼိူဝ်ၾဵတ်ႉသ်ပုၵ်ႉ ၽႄႈတၢင်းဢွၼ်ႊလၢႆႊ။ ထိုင်တီႈၸုမ်းသုၼ်ႇလႆႈၵူၼ်းတိူင်ႇလၢတ်ႈလႄႈ ၵေႃႉပဵၼ်ပႃႈ ထုၵ်ႇႁွင်ႉမႃးထဵတ်ႈထၢမ် လူၺ်ႈၶေႃႈပူၼ်ႉပႅၼ်သုၼ်ႇလႆႈလုၵ်ႈဢွၼ်ႇ။ ၸိုဝ်ႈပႃႈၵေႃႉပေႃႉႁႅမ်လုၵ်ႈဢွၼ်ႇၼၼ်ႉပဵၼ် တေႃႇလေႃးမဵင်ႉ (ဒေါ်လောမိန့်)။ မၼ်းၼၢင်းလၢတ်ႈတီႈၸဝ်ႈၼႃႈတီႈဝႃႈ -“ ယိင်းဢွၼ်ႇၼၼ်ႉပဵၼ်လၢၼ်ယိင်းမၼ်း။ ပေႃႈမႄႈလုၵ်ႈဢွၼ်ႇၽၢတ်ႇၵၼ်လႄႈ လႆႈဢဝ်လုၵ်ႈဢွၼ်ႇယိင်းမႃးလဵင်ႉလူသွၼ်ပၼ်ၵၢၼ်ၼႃႈႁိူၼ်း။ သူင်ႇယူႇႁူင်းႁဵၼ်းၶႄႇ ထိုင်ၸၼ်ႉ 5 ယဝ်ႉ။ ဢၼ်ပေႃႉႁႅမ်မႅၼ်ႈၼႆႉၵေႃႈ ပဵၼ်လွင်ႈသွၼ်ပၼ်ၵၢၼ်ၼႃႈႁိူၼ်းတႃယေးၵူၺ်း” -ဝႃႈၼႆ။ လွင်ႈၼႆႉၾၢႆႇတူၺ်းလူသုၼ်ႇလႆႈၵူၼ်းၸႅင်ႈတႃႇဢဝ်လိူင်ႈဝႆႉသေ ပလိၵ်ႈတီႉၺွပ်းၵုမ်းၶင် တေႃႇလေႃးမဵင်ႉဝႆႉတီႈႁွင်ႈၵုမ်းၶင်ဝႆႉယဝ်ႉ။ တေၵူတ်ႇထတ်းထဵတ်ႈထၢမ်သေ ဢဝ်လိူင်ႈပၼ်တူတ်ႈတၢမ်ႇၵႂႃႇၸွမ်းၼင်ႇပၵ်းပိူင်မၢႆမီႈပူၼ်ႉပႅၼ်သုၼ်ႇလႆႈလုၵ်ႈဢွၼ်ႇဝႃႈၼႆ။ လုၵ်ႈဢွၼ်ႇယိင်းၼၼ်ႉၵေႃႈ တေသူင်ႇၵႂႃႇယူႇဝႆႉတီႈ ႁွင်ႈလုမ်းလႃးတူၺ်းထိုင်လုၵ်ႈဢွၼ်ႇၽၢၼ်ပေႃႈမႄႈတီႈဝဵင်း တႃႈၶီႈလဵၵ်း ဝႃႈၼႆ။ မိူၼ်ၼႆၼင်ႇၵဝ်ႇ ပူၼ်ႉမႃးလၢႆဝၼ်းၼႆႉ ၶလိပ်ႉငဝ်းႁၢင်ႈသဵင်ဢၼ်ၼိုင်ႈ ၸဝ်ႈၵွၼ်းဝတ်ႉပႃးၼိုင်ႈ ပေႃႉႁႅမ် ၸဝ်ႈသၢင်ႇ ဢွၼ်ႇပႃးၼိုင်ႈၼၼ်ႉ ၽႄႈၸွတ်ႇမႃးၼိူဝ်သိုဝ်ႇတူင်ႇဝူင်း Social […] The post ပေႃႉႁႅမ်လုၵ်ႈဢွၼ်ႇလဵၵ်ႉ ၺႃးတီႉၺွပ်းပၼ်တူတ်ႈတၢမ်ႇၶွၵ်ႈ appeared first on SHAN News .

Go to News Site