Ազատություն
Իսրայելն ու Լիբանանում տեղակայված «Հեզբոլա» շարժումը շարունակում են փոխհրաձգությունը: Իսրայելի պաշտպանության բանակը հայտարարել է, որ գիշերը հարվածներ է հասցրել Արևմուտքի կողմից ահաբեկչական ճանաչված «Հեզբոլա»-ին հարավային Լիբանանի երեք շրջաններում: Ըստ բանակի՝ վերջին խախտումը տեղի է ունեցել, երբ շարժումը Լիբանանի հարավում զինվորների ուղղությամբ պայթուցիկներով անօդաչու թռչող սարքեր է արձակել: Առավոտյան խմբավորումը ևս հայտարարություն է տարածել՝ տեղեկացնելով, որ հարվածել է իսրայելական բանակին: Ըստ «Հեզբոլայի»՝ իրենք պատասխանել են Իսրայելի խախտումներին: Փոխհրաձգությունը տեղի է ունեցել Իսրայելի և Լիբանանի միջև ձեռք բերված հրադադարի երկարաձգումից հետո:
Go to News Site